Assam Flood: આસામના 16 જિલ્લા પૂરથી પ્રભાવિત, બ્રહ્મપુત્રામાં પાણીનું સ્તર વધ્યું, 5 લાખ લોકો થયા પ્રભાવિત
આ દરમિયાન લોકોને તેમના ઘરોમાં સતર્ક રહેવાની સલાહ આપવામાં આવી છે. વિભાગે ભારે વરસાદ અને વાવાઝોડાના જોખમોનો સામનો કરવા માટે તૈયાર રહેવા જણાવ્યું છે. અત્યાર સુધીમાં 16 જિલ્લાઓમાં 4.88 લાખ લોકો પૂરથી પ્રભાવિત થયા છે. પૂરના કારણે બે લોકોના મોત પણ થયા છે.
Assam Flood Updates: પૂર્વોત્તર રાજ્ય આસામ ફરી એકવાર પૂરની ઝપેટમાં છે. અત્યાર સુધીમાં લગભગ 5 લાખ લોકો પ્રભાવિત થયા છે. દરમિયાન, હવામાન વિભાગે ઘણા ભાગોમાં ભારે વરસાદ (Heavy Rain)અને વાવાઝોડાની ચેતવણી આપી છે. આ દરમિયાન ઘણી નદીઓમાં પૂર જોવા મળી રહ્યુ છે. જોરહાટના નેમાટીઘાટ પર બ્રહ્મપુત્રા ખતરાના નિશાનથી ઉપર વહી રહી છે. કામરૂપ અને નલબારી જિલ્લામાં પુથિમરી અને પાગલડિયા નદીનું જળસ્તર લાલ નિશાનથી ઉપર છે. આવતીકાલે સાંજ સુધીમાં બ્રહ્મપુત્રાની જળસપાટીમાં 15-30 સેમીનો વધારો થવાની સંભાવના છે.
16 જિલ્લાઓમાં 4.88 લાખ લોકો પૂરથી પ્રભાવિત થયા
હવામાન વિભાગે ઘણા વિસ્તારોમાં યલો એલર્ટ જાહેર કર્યું છે. આ દરમિયાન લોકોને તેમના ઘરોમાં સતર્ક રહેવાની સલાહ આપવામાં આવી છે. વિભાગે ભારે વરસાદ અને વાવાઝોડાના જોખમોનો સામનો કરવા માટે તૈયાર રહેવા જણાવ્યું છે. જણાવવામાં આવી રહ્યું છે કે અત્યાર સુધીમાં 16 જિલ્લાઓમાં 4.88 લાખ લોકો પૂરથી પ્રભાવિત થયા છે. પૂરના કારણે બે લોકોના મોત પણ થયા છે.
140 રાહત શિબિરો બનાવવામાં આવી
બાજલી સૌથી વધુ પ્રભાવિત થયું છે, જ્યાં 2.67 લાખ લોકો પૂરની ઝપેટમાં આવી ગયા છે. આ સિવાય નલબારી અને બરપેટા જિલ્લામાં પણ પૂરથી લોકો ગંભીર રીતે પ્રભાવિત થયા છે. નલબારીમાં લગભગ 80,000 અને બારપેટામાં 73,000 લોકો અસરગ્રસ્ત છે. આ દરમિયાન લોકોની સુરક્ષા માટે 140 રાહત શિબિર કેન્દ્રો બનાવવામાં આવ્યા છે, જ્યાં 35,000 લોકોએ આશ્રય લીધો છે. પૂરની અસરને ધ્યાનમાં રાખીને વધુ 75 કેમ્પ સેન્ટર બનાવવામાં આવી રહ્યા છે.
આ પણ વાંચો : કેન્દ્રીય ગૃહપ્રધાન અમિત શાહે શ્રીનગરમાં બલિદાન સ્તંભનો શિલાન્યાસ કર્યો, શ્યામા પ્રસાદ મુખર્જીની યાદમાં સ્તંભ બનશે
અનેક જિલ્લાઓમાં બંધ તૂટતા જોખમ વધ્યું
હવામાન વિભાગની ચેતવણી વચ્ચે નેશનલ ડિઝાસ્ટર મેનેજમેન્ટ ઓથોરિટી, સ્ટેટ ડિઝાસ્ટર મેનેજમેન્ટ ઓથોરિટી, નાગરિક સંરક્ષણ કર્મચારીઓ અને ગ્રામજનો પણ રાહત કાર્યમાં વહીવટીતંત્રને મદદ કરી રહ્યા છે. છેલ્લા 24 કલાકમાં જાણવા મળ્યું છે કે કોકરાઝાર અને વિશ્વનાથ, દરરંગ જિલ્લામાં અનેક ડેમ તૂટી ગયા છે, જેના કારણે આસપાસના ગામોમાં ખતરો વધી ગયો છે. બારપેટા, કચર, બજાલી, બક્સા, ધુબરી, ગોલપારા, કરીમગંજ, નલબારી અને આસપાસના જિલ્લાઓમાં રસ્તાઓ, પુલ અને માળખાગત સુવિધાઓને અસર થઈ છે.
હવામાન વિભાગે ભૂસ્ખલનની ચેતવણી આપી
વહીવટીતંત્રે જણાવ્યું કે ધુબરી, કોકરાઝાર, ડિબ્રુગઢ, શિવસાગર, સોનિતપુર, દક્ષિણ સલમારા, ઉદલગુરી અને તામુલપુર, બક્સા, વિશ્વનાથ, બોંગાઈગાંવ, ચિરાંગ જિલ્લામાં ધોવાણ નોંધાયું છે. મીડિયા રિપોર્ટ્સ અનુસાર આ દરમિયાન ઘણા ભાગોમાં ભૂસ્ખલન થઈ શકે છે. આવી સ્થિતિમાં લોકોને સાવચેત રહેવા માટે કહેવામાં આવ્યું છે.