Breaking News: અમદાવાદ પ્લેન ક્રેશની ઘટના બાદ, મુંબઈથી લંડન જઈ રહેલ Air Indiaનું વિમાન અડધે રસ્તેથી પાછું ફર્યું !
મુંબઈથી લંડન જતી એર ઈન્ડિયાની એક ફ્લાઈટ અધવચ્ચે જ પરત ફરી રહી છે. વિમાન શા માટે પરત ફરી રહ્યું છે તેનું કારણ હજુ સુધી જાણી શકાયું નથી.
મુંબઈથી લંડન જતી એર ઈન્ડિયાની એક ફ્લાઈટ રસ્તા વચ્ચેથી પરત ફરી રહી હોવાના અહેવાલ છે. Flightradar24 અનુસાર, આજે સવારે મુંબઈથી લંડન જતી એર ઈન્ડિયાની ફ્લાઈટ AI-129 મુંબઈ પરત ફરી હતી.
આ ફ્લાઈટ રસ્તા વચ્ચેથી કેમ પરત ફરી રહી છે તેની કોઈ માહિતી નથી. તમને જણાવી દઈએ કે અમદાવાદથી લંડન જતી એર ઈન્ડિયાની ફ્લાઈટ AI-171 ગુરુવારે ટેકઓફ થયાની થોડીક સેકન્ડ પછી જ ક્રેશ થઈ ગઈ હતી. આ પ્લેન ક્રેશમાં 241 લોકોના મોતની પુષ્ટિ થઈ છે. ત્યારે આજે એર ઈન્ડિયાની આ ફ્લાઈટની સાથે અન્ય 16 ફ્લાઈટ ડાઈવર્ટ કરવામાં આવી છે.
આ ફ્લાઇટ્સ પ્રભાવિત થઈ
- AI130 – લંડન હીથ્રો-મુંબઈ – વિયેના ડાયવર્ટ કરાઈ
- AI102 – ન્યૂ યોર્ક-દિલ્હી – શારજાહ ડાયવર્ટ કરાઈ
- AI116 – ન્યૂ યોર્ક-મુંબઈ – જેદ્દાહ ડાયવર્ટ કરાઈ
- AI2018 – લંડન હીથ્રો-દિલ્હી – મુંબઈ ડાયવર્ટ કરાઈ
- AI129 – મુંબઈ-લંડન હીથ્રો – મુંબઈ પાછી આવી
- AI119 – મુંબઈ-ન્યૂ યોર્ક – મુંબઈ પાછી આવી
- AI103 – દિલ્હી-વોશિંગ્ટન – દિલ્હી પાછી આવી
- AI106 – નેવાર્ક-દિલ્હી – દિલ્હી પાછી આવી
- AI188 – વાનકુવર-દિલ્હી – જેદ્દાહ ડાયવર્ટ કરાઈ
- AI101 – દિલ્હી-ન્યૂ યોર્ક – ફ્રેન્કફર્ટ/મિલાન ડાયવર્ટ કરાઈ
- AI126 – શિકાગો-દિલ્હી – જેદ્દાહ ડાયવર્ટ કરાઈ
- AI132 – લંડન હીથ્રો-બેંગલુરુ – શારજાહ ડાયવર્ટ કરાઈ
- AI2016 – લંડન હીથ્રો-દિલ્હી – વિયેના ડાયવર્ટ કરાઈ
- AI104 – વોશિંગ્ટન-દિલ્હી – વિયેના ડાયવર્ટ કરાઈ
- AI190 – ટોરોન્ટો-દિલ્હી – ડાયવર્ટ કરાઈ ફ્રેન્કફર્ટ
- AI189 – દિલ્હી-ટોરોન્ટો – દિલ્હી પરત ફરી
એર ઇન્ડિયાએ મુસાફરોને થયેલી અસુવિધા બદલ દિલગીરી વ્યક્ત કરી છે. એરલાઇન્સ દ્વારા જારી કરાયેલા એક નિવેદનમાં કહેવામાં આવ્યું છે કે અમે મુસાફરોને અસુવિધાથી બચાવવા માટે તમામ પ્રયાસો કરી રહ્યા છીએ. તેમના રોકાણ માટે વ્યવસ્થા કરવામાં આવી રહી છે. મુસાફરોને તેમના ગંતવ્ય સ્થાન પર લઈ જવા માટે વૈકલ્પિક વ્યવસ્થા કરવામાં આવી રહી છે.
અમદાવાદમાં એર ઇન્ડિયાનું વિમાન દુર્ઘટનાગ્રસ્ત
તમને જણાવી દઈએ કે ગુરુવારે, એર ઇન્ડિયાએ અમદાવાદથી લંડન માટે ઉડાન ભરતાની સાથે જ સરદાર વલ્લભભાઇ પટેલ આંતરરાષ્ટ્રીય એરપોર્ટ નજીક મેઘનાની નગરમાં એર ઇન્ડિયાનું વિમાન ક્રેશ થયું. બોઇંગ 787 ડ્રીમલાઇનર (AI171) કુલ 242 લોકો સાથે લંડન જઈ રહ્યું હતું. આ વિમાન લગભગ 11 વર્ષ જૂનું હતું. આ અકસ્માતમાં, વિમાનમાં સવાર એક વ્યક્તિ બચી ગયો જ્યારે વિમાનમાં સવાર 241 લોકોના મોત થયા. તે જ સમયે, મેડિકલ કોલેજ કેમ્પસમાં જ્યાં આ વિમાન ક્રેશ થયું ત્યાં ઘણી તબાહી થઈ હતી.
આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..
Published On - 9:37 am, Fri, 13 June 25
