ઓપરેશન સિંદૂર બાદ, ભારતે 48 કલાકમાં કર્યા 3 મિસાઈલ પરીક્ષણ, ચીન-પાકિસ્તાનને આડકતરો ઈશારો
ભારતે તાજેતરમાં અગ્નિ-1, પૃથ્વી-2 અને આકાશ પ્રાઇમ સહિત ત્રણ મિસાઈલનું સફળતાપૂર્વક પરીક્ષણ કર્યું છે. ઉપરાંત, ભારતીય નૌકાદળે આધુનિક ડાઇવિંગ સપોર્ટ જહાજ INS નિસ્તારનો સમાવેશ કર્યો છે, જે સબમરીન બચાવમાં મહત્વપૂર્ણ ભૂમિકા ભજવશે. આ ઉપરાંત, સ્વદેશી AK-203 રાઇફલ, જેને હવે 'શેર' નામ આપવામાં આવ્યું છે. ભારતનું આ પગલું પાકિસ્તાનની સાથેસાથે તેના ટેકેદાર એવા ચીન માટે સાયલન્ટ કિલર સાબિત થયું છે.
ભારતે છેલ્લા 48 કલાકમાં 3 અલગ અલગ મિસાઈલનું સફળતાપૂર્વક પરીક્ષણ કર્યું છે. જેમાં અગ્નિ-1, પૃથ્વી-2 અને આકાશ પ્રાઇમનો સમાવેશ થાય છે. મિસાઈલ પરીક્ષણની સાથેસાથે ભારતીય નૌકાદળે પોતાની તાકાત વધારી છે. ગઈકાલ શુક્રવારે, INS નિસ્તારને નૌકાદળમાં સામેલ કરવામાં આવ્યું છે. જ્યારે સુરક્ષા સાથે જોડાયેલ ત્રીજું અપડેટ સ્વદેશી AK રાઇફલ સાથે સંબંધિત છે. સ્વદેશી AK રાઇફલ વડે હવે પાકિસ્તાની આતંકવાદીઓનો ખાત્મો બોલાવાશે. આ AK રાઇફલ હવે સંપૂર્ણપણે સ્વદેશી બનવા જઈ રહી છે. ત્યારબાદ તેનું નામ AK-203 શેર રાઇફલ રાખવામાં આવશે.
સૌ પ્રથમ, ભારતીય નૌકાદળની તાકાત વધારનાર INS નિસ્તારની વાત કરીએ તો, શુક્રવારે નૌકાદળમાં INS નિસ્તાર સામેલ કરાયું છે. આ એક આધુનિક ડાઇવિંગ સપોર્ટ જહાજ એટલે કે DSV છે. INS નિસ્તારનો ઉપયોગ કોઈપણ કટોકટીમાં થઈ શકે છે. તે ફક્ત એક સપોર્ટ જહાજ નથી, પરંતુ એક સાયલન્ટ કિલર પણ છે. જે સમુદ્રના ઊંડાણમાં દુશ્મનની કોઈપણ ચાલને નિષ્ફળ બનાવે છે. INS નિસ્તારનો ભારતીય નૌકાદળના ઇતિહાસ સાથે ખૂબ જ ઊંડો સંબંધ છે. 1971ના ભારત-પાકિસ્તાન યુદ્ધમાં, પાકિસ્તાને INS વિક્રાંતને નિશાન બનાવવા માટે તેની સૌથી ઘાતક સબમરીન PNS ગાઝી મોકલી હતી.
INS નિસ્તાર કેમ ખાસ છે?
- INS નિસ્તાર ભારતીય નૌકાદળનું પ્રથમ સમર્પિત ડાઇવિંગ સપોર્ટ જહાજ (DSV) હશે.
- કટોકટીમાં કોઈપણ સબમરીનને બચાવવા માટે તેનો ઉપયોગ કરવામાં આવશે.
- આ જહાજ લગભગ 80 ટકા સ્વદેશી ટેકનોલોજી અને સામગ્રીથી બનેલું છે. તેનું વજન 9350 ટન છે અને તે 120 મીટર લાંબુ છે.
- INS નિસ્તારમાં 200 થી વધુ નૌકાદળના કર્મચારીઓ તૈનાત કરી શકાય છે અને તે બંદર પર પાછા ફર્યા વિના 60 દિવસ સુધી સમુદ્રમાં કાર્ય કરી શકે છે.
- તે ડીપ સબમર્જન્સ રેસ્ક્યુ વ્હીકલ (DSRV) થી સજ્જ છે, જે સમુદ્રમાં 650 મીટર સુધી જઈ શકે છે અને કોઈપણ ફસાયેલી સબમરીનના સૈનિકોને બચાવી શકે છે.
- તેમાં હેલિકોપ્ટર ઓપરેશનની સુવિધા પણ છે, જેથી કટોકટીની પરિસ્થિતિઓમાં રાહત અને બચાવ કાર્ય ઝડપથી થઈ શકે.
- અત્યાર સુધી, ભારતીય નૌકાદળને સબમરીન અકસ્માતો અથવા બચાવ મિશનમાં ONGC અથવા ખાનગી કંપનીઓ પર આધાર રાખવો પડતો હતો.
- INS નિસ્તાર પૂર્વ કિનારા પર તૈનાત કરવામાં આવશે, જ્યારે INS નિપુણ પશ્ચિમ કિનારા પર રહેશે.
ડાઇવિંગ ટેન્ડર એ એક નાની બોટ અથવા સહાયક જહાજ છે, જેનો ઉપયોગ ડાઇવર્સને સમુદ્રમાં લઈ જવા, તેમને મદદ કરવા અને મોટા જહાજો અથવા નૌકાદળની કામગીરીમાં જરૂરી સાધનો લઈ જવા માટે થાય છે. તે ડાઇવર્સને સમુદ્રની અંદર કામ કરવા માટે યોગ્ય જગ્યાએ લઈ જાય છે અને તેમના માટે આધાર તરીકે કાર્ય કરે છે. ડાઇવિંગ ટેન્ડરમાં સામાન્ય રીતે ડાઇવિંગ સાધનો, ઓક્સિજન સિલિન્ડર અને અન્ય જરૂરી વસ્તુઓ હોય છે. તેને સપોર્ટ બોટ પણ કહી શકાય, જે મોટા જહાજોમાંથી ડાઇવર્સને છીછરા અથવા ખતરનાક વિસ્તારોમાં લઈ જાય છે.
AK-203 એસોલ્ટ રાઇફલ હવે ભારતનો સિંહ બનશે
ભારતીય સેનાની તાકાત વધારતી AK-203 એસોલ્ટ રાઇફલ હવે સંપૂર્ણપણે સ્વદેશી બનવા જઈ રહી છે. હવે તેનું નામ ‘શેર’ હશે. કારણ કે આ એ જ રાઇફલ છે જેણે ઓપરેશન સિંદૂરમાં સેનામાં સામેલ થતાં જ પોતાની ક્ષમતા સાબિત કરી હતી. યુપીના અમેઠી જિલ્લાના કોરવામાં ભારતીય સેના માટે એસોલ્ટ રાઇફલ AK-203 બનાવવામાં આવી રહી છે, તે ભારત અને રશિયાનું સંયુક્ત સાહસ છે.
અહીં હાલમાં બનાવવામાં આવી રહેલી રાઇફલ્સમાં 50 ટકા સ્વદેશી સામગ્રી છે, પરંતુ આ વર્ષે 31 ડિસેમ્બરે અહીં બનાવવામાં આવનારી રાઇફલમાં 100 ટકા સ્વદેશી સામગ્રી હશે અને તે AK-203 બનશે. આ પછી, દર મહિને અહીં 12 હજાર રાઇફલ્સ બનાવવામાં આવશે. હા, સંપૂર્ણપણે સ્વદેશી AK-203 નું નામ શેર રાખવામાં આવશે. ફેક્ટરીમાં બનાવવામાં આવતી આ રાઇફલ્સને 1-2-1 પ્રક્રિયાઓમાંથી પસાર થવું પડે છે. આવતા વર્ષ સુધીમાં, અહીં દરરોજ 600 રાઈફલ બનાવવામાં આવશે, એટલે કે દર 100 સેકન્ડે 1 રાઈફલ બનશે.
દેશ અને દુનિયાના તમામ સમાચારો વાંચવા માટે અહીં ક્લિક કરો
