105 વર્ષના વૃદ્ધાએ બનાવ્યો એક રાષ્ટ્રીય રેકોર્ડ, જાણો શું છે આ દાદીમાની સિદ્ધિ ?

કહેવાય છેને અડગ મનના માનવીને હિમાલય પણ નડતો નથી. આ કહેવતને યથાર્થ કરી છે હરિયાણાના (Haryana) એક દાદીમા એ, હરિયાણાના કાદમા ગામના રહેવાસી રામબાઇએ (old women) એક નવો રેકોર્ડ (Record)બનાવ્યો છે. આ દાદી માની ઉંમર સાંભળીને તમે ચોંકી જશો. આ દાદી માની ઉંમર છે 105 વર્ષ, આ દાદીએ 105 વર્ષની ઉંમરે દોડવામાં એક કિર્તિમાન સ્થાપિત કર્યો છે.

દાદી માએ રેકોર્ડ પ્રસ્થાપિત કર્યો

ગત સપ્તાહે બેંગલુરુમાં રાષ્ટ્રીય ઓપન માસ્ટર્સ એથેલેટિક્સ ચેમ્પિયનશીપ યોજાઇ હતી. આ સ્પર્ધામાં દાદી મા એટલી ઝડપે દોડયાં કે રેકોર્ડ બની ગયો. દાદીએ 100 મીટરની રેસ 45.40 સેકન્ડમાં પૂરી કરી હતી. આ પહેલા આ રેકોર્ડ માન કૌર નામની વૃદ્ધાના નામે હતો. કે જેમણે 74 સેકન્ડમાં આ રેસ પુરી કરી હતી.

Koo App

खेलों में झंडे गाड़ने की बात हो तो फिर हरियाणवियों की उम्र आड़े नहीं आती फिर चाहे हमारे बच्चे हों, युवा या 100 साल पार के बुज़ुर्ग. 105 वर्ष की आयु में ताई रामबाई जी ने 100 मीटर दौड़ रिकार्ड समय में पूरा कर वडोदरा में प्रदेश का झंडा बुलंद कर दिया। ताई के जज्बे को सलाम!

View attached media content

– Manohar Lal (@manoharlalbjp) 21 June 2022

દાદીના આ રેકોર્ડથી હરિયાણામાં ખુશીનો માહોલ છે. તો દાદીમાં ના ગામમાં વિશેષ ખુશી જોવા મળી હતી. નોંધનીય છેકે પરિવારમાંથી આ ઉંમરે રમતગમતમાં નામ બનાવનાર રામબાઈ એકમાત્ર નથી. પરંતુ તેમના પરિવારના અન્ય સભ્યો પણ ગોલ્ડ મેડલ જીતી ચુક્યા છે. આ પહેલાં રામબાઈ એક જ હરિફાઈમાં 100,200 મીટર દોડ, રિલે દોડ, લાંબી કૂદમાં 4 ગોલ્ડ મેડલ જીતીને ઈતિહાસ બનાવ્યો છે.

સવારે 4 વાગ્યે ઊઠીને દરરોજ ચાલવા જાય છે

1 જાન્યુઆરી, 1917નાં રોજ જન્મેલા રામબાઈ વૃદ્ધ એથેલેટિક્સ છે. તેમને નવેમ્બર, 2021માં વારાણસીમાં યોજાયેલી માસ્ટર્સ એથેલેટિક મીટમાં ભાગ લીધો હતો. 105 વર્ષની વયે પણ સખત મહેનતથી આગળ વધી રહ્યાં છે. વૃદ્ધ એથેલીટ રામ બાઈ ખેતરના કામો સાથે દોડવાની પ્રેક્ટિસ કરે છે. તેઓ સવારે 4 વાગ્યે ઉઠીને પોતાના દિવસની શરૂઆત કરી છે. સતત દોડીને અને ચાલીને પ્રેક્ટિસ કરે છે. આ ઉપરાંત તેઓ આ ઉંમરે પણ 5-6 કિલોમીટર સુધી આરામથી દોડી લે છે.

દરરોજ 250 ગ્રામ ઘીનું ચૂરમું ખાય છે

સામાન્ય રીતે 80ની ઉંમર સુધી પહોંચેલા લોકો ખાટલામાં પડયા હોય છે. તેનાથી ઉલ્ટું રામ બાઈ 105 વર્ષની ઉંમરે પણ એક ઉદાહરણરૂપ સિદ્ધિ મેળવી છે, અને રમતગમતમાં ભાગ લઇ રહ્યાં છે. તેમનું કહેવું છે કે શરીરમાં આટલી સ્ફૂર્તિ એમ જ થોડી આવે છે. તેઓ ચૂરમું, દહીં ખાય છે અને મોટા પ્રમાણમાં દૂધ પીવે છે. 250 ગ્રામ ઘી દરરોજ રોટલી કે ચૂરમા સાથે ખાય છે અને અડધો કિલો દહીં દરરોજ જમવામાં લે છે.

પુત્ર-પુત્રવધૂ પણ ચેમ્પિયન

રામબાઈનો આખો પરિવાર રમતગમતમાં નામના મેળવી ચુક્યો છે. તેમની દીકરી 62 વર્ષના સંતરા દેવી રિલે દોડમાં ગોલ્ડ મેડલ જીતી ચુક્યાં છે. રામ બાઈના પુત્ર 70 વર્ષના મુખ્ત્યાર સિંહે 200 મીટર દોડમાં બ્રોન્ઝ મેડલ જીત્યો છે. પુત્રવધૂ ભતેરી પણ રિલે દોડમાં ગોલ્ડ અને 200 મીટર દોડમાં બ્રોન્ઝ મેડલ જીત્યો છે.