2001 Parliament Attack: ગૃહમંત્રી અને રક્ષા મંત્રીએ શહીદ થયેલા સુરક્ષા જવાનોને આપી શ્રદ્ધાંજલિ, કહ્યું- દેશ તમારા બલિદાનને હંમેશા યાદ રાખશે

વર્ષ 2001 માં આ દિવસે સંસદમાં શિયાળુ સત્ર (Winter session)ચાલી રહ્યું હતું, જ્યારે દેશની લોકશાહીની ઉંબરે આતંકનો ઘેરો પડછાયો પહોંચી ગયો હતો. મહિલા આરક્ષણ બિલ પર થયેલા હોબાળાને કારણે તે દિવસે સંસદની કાર્યવાહી સ્થગિત કરવામાં આવી હતી. આ પછી તત્કાલિન વડાપ્રધાન અટલ બિહારી વાજપેયી અને સોનિયા ગાંધી સંસદમાંથી બહાર નીકળી ગયા હતા. ત્યારબાદ હંગામો થયો અને ગેટ નંબર-12થી સફેદ રંગની એમ્બેસેડર કાર સંસદ સંકુલમાં પ્રવેશી હતી અને આતંકવાદીઓ દ્વારા ગોળીબાર કરવામાં આવ્યો હતો.

20મી વર્ષગાંઠ પર શહીદ થયેલા સુરક્ષા જવાનોને શ્રદ્ધાંજલિ આપી હતી. ગૃહમંત્રી અમિત શાહે ટ્વીટ કર્યું હતું કે હું તમામ બહાદુર સુરક્ષા દળોની હિંમત અને બહાદુરીને નમન કરું છું જેમણે ભારતીય લોકશાહીના મંદિર સંસદ ભવન પર કાયરતાપૂર્ણ આતંકવાદી હુમલામાં રાષ્ટ્રના ગૌરવની રક્ષા માટે પોતાનું સર્વોચ્ચ બલિદાન આપ્યું હતું. તમારું અપ્રતિમ બહાદુરી અને અમર બલિદાન અમને હંમેશા દેશની સેવા કરવા માટે પ્રેરણા આપશે.

બીજી તરફ રક્ષા મંત્રી રાજનાથ સિંહે ટ્વિટ કર્યું કે 2001માં સંસદ ભવન પર થયેલા હુમલા દરમિયાન પોતાના જીવનું બલિદાન આપનારા બહાદુર સુરક્ષાકર્મીઓને મારી શ્રદ્ધાંજલિ. રાષ્ટ્ર તેમની હિંમત અને ફરજ પ્રત્યેના સર્વોચ્ચ બલિદાન માટે આભારી રહેશે.

રાષ્ટ્રપતિ રામનાથ કોવિંદે પણ સંસદ હુમલામાં શહીદ થયેલા સુરક્ષા જવાનોને શ્રદ્ધાંજલિ આપી હતી

રાષ્ટ્રપતિ રામનાથ કોવિંદે પણ સંસદ હુમલામાં શહીદ થયેલા સુરક્ષા જવાનોને શ્રદ્ધાંજલિ આપી હતી. તેમણે ટ્વીટ કર્યું કે હું બહાદુર સુરક્ષા કર્મચારીઓને શ્રદ્ધાંજલિ અર્પણ કરું છું જેમણે 2001માં આ દિવસે એક ભયંકર આતંકવાદી હુમલા સામે વિશ્વની સૌથી મોટી લોકશાહીની સંસદની રક્ષા કરતી વખતે પોતાનો જીવ આપ્યો. તેમના સર્વોચ્ચ બલિદાન માટે દેશ હંમેશા તેમનો આભારી રહેશે.

આ પણ વાંચો : દુબઈની સરકાર વિશ્વની પહેલી 100 ટકા પેપરલેસ સરકાર બની, ક્રાઉન પ્રિન્સ શેખ હમદાને આપી માહિતી

આ પણ વાંચો : Happy birthday Venkatesh: બોલિવૂડનો ‘અનાડી’ કેવી રીતે બન્યો સાઉથનો સુપરસ્ટાર? વેંકટેશના જન્મદિવસ પર જાણો તેમની સાથે જોડાયેલી ખાસ વાતો