Surat : સુરતના ટ્રાફિક પોલીસ ઇન્સ્પેકટરની સજાગતાથી મુક બધીર બાળકનો થયો પરિવાર સાથે ભેટો
ફોન કરનારે જણાવેલ સરનામાં પર પોલીસ ઇન્સ્પેકટર જાતે જ ઘટના સ્થળે પહોંચ્યા હતા અને બાળક સાથે વાતચીત કરી હતી. પણ તે મૂક બધિર હોવાથી તેની વાત સમજી શકાય ના હતી. ત્યારે મૂક બધીર શાળા સાથે સંકળાયેલા અને સાંકેતિક ભાષામાં વાત કરી શકતા નિષ્ણાતોનો સંપર્ક કરવામાં આવ્યો હતો અને તેમની મદદ લેવામાં આવી હતી.
Surat શહેરના પુણા કુમ્ભારીયા રોડ ખાતેના કાંગારું સર્કલ પાસેથી આશરે 12 વર્ષના ખામગાવ, મહારાષ્ટ્રના મુકબધીર બાળકને શહેર ટ્રાફિક પોલીસ ઇન્સ્પેકટરના સહયોગથી કતારગામ ખાતેના પોપાવાળા બાલગૃહમાં આશરો મળી શક્યો છે. સુરતના ટ્રાફિક પોલીસ ઈન્સ્પેક્ટરને એક જાગૃત નાગરિક દ્વારા જાણ કરવામાં આવી હતી કે એક બાળક બિનવારસી હાલતમાં રડતો પસાર થઇ રહ્યો છે.
ફોન કરનારે જણાવેલ સરનામાં પર પોલીસ ઇન્સ્પેકટર જાતે જ ઘટના સ્થળે પહોંચ્યા હતા અને બાળક સાથે વાતચીત કરી હતી. પણ તે મૂક બધિર હોવાથી તેની વાત સમજી શકાય ના હતી. ત્યારે મૂક બધીર શાળા સાથે સંકળાયેલા અને સાંકેતિક ભાષામાં વાત કરી શકતા નિષ્ણાતોનો સંપર્ક કરવામાં આવ્યો હતો અને તેમની મદદ લેવામાં આવી હતી.
વિડીયો કોલના આધારે સાંકેતિક ભાષા દ્વારા બાળક ક્યાંનો છે ? તેના માતા પિતા ક્યાં છે ? તે ક્યાંથી આવ્યો છે તેની જાણ લેવામાં આવી હતી. અને સગીર ખામગાવ મહારાષ્ટ્રનો છે તેવી માહિતી સામે આવી હતી. આ ગામ સુરતથી આશરે 500 કિલોમીટર દૂર આવેલું છે. બાળક નિવાસી મૂક બધિર શાળામાં અભ્યાસ કરે છે. અને કોઈ અગમ્ય કારણોસર બસમાં બેસીને તે સુરત પહોંચી ગયો હતો.
ત્યારબાદ ખામગામ પોલીસ સ્ટેશનનો સંપર્ક કરીને નિવાસી મૂક બધિર શાળામાંથી બાળકના પિતાનો સંપર્ક કરીને શોધવામાં આવ્યો હતો. અને પિતાને સમગ્ર ઘટનાની જાણ કરવામાં આવી હતી. હાલ આ બાળકને તેના પિતા જ્યાં સુધી સહી સલામત રીતે લઇ ન જાય ત્યાં સુધી કતારગામ ખાતેના પોપાવાળા બાલગૃહમાં આશરો આપવામાં આવ્યો છે.
આમ, ટ્રાફિક પોલીસ ઇન્સ્પેકટર એચ.વી.ગોટીની સતર્કતાથી આ બાળકનો તેના પરિવારથી ભેટો થયો છે. 12 વર્ષના આ મુકબધીર બાળકને જો આ મદદ ન મળતે તો ચોક્કસ તે સુરત જેવા મોટા શહેરમાં ભટકતો રહેતે. પણ જાગૃત નાગરિકની જાણકારી બાદ પોલીસ દ્વારા બાળકની મદદ માટે અપનાવાયેલ આ અભિગમ બાદ પરિવારને તેમણે ગુમાવેલ દીકરો પાછો મળ્યો છે. પરિવાર દ્વારા પણ મહારાષ્ટ્રમાં આ બાળકની શોધખોળ કરવામાં આવી જ રહી હતી. જો કે તેમને આ બાબતની જાણકારી નહોતી કે બાળક બસમાં બેસીને સુરત પહોંચી ગયો હશે.
આ પણ વાંચો :SURAT : VNSGU યુનિવર્સિટી ગરબા વિવાદમાં ઉમરા પોલીસ સ્ટેશનના PI-PSIની બદલી, 2 કોન્સ્ટેબલ સસ્પેન્ડ