ગુજરાતમાં વરસાદ વરસાવનારી સિસ્ટમ, મુંબઈને ધોધમાર વરસાદથી ધમરોળી રહી છે
Maharashtra Rain Update : આજે મહારાષ્ટ્ર રાજ્યના અનેક જિલ્લાઓમાં વરસાદ માટે 'રેડ એલર્ટ' જાહેર કરવામાં આવ્યો છે. છેલ્લા ત્રણ દિવસથી સતત વરસાદ પડી રહ્યો છે. અધિકારીઓ ઉચ્ચ ચેતવણી પર છે, અને નાગરિકોને તાત્કાલિક અપીલ કરવામાં આવી રહી છે.
ભારતીય હવામાન વિભાગ (IMD) એ આજે રવિવારને 5 જુલાઈના રોજ મુંબઈ, થાણે અને પાલઘરમાં વરસાદ માટે ‘રેડ એલર્ટ’ જાહેર કર્યું છે. આ રેડ એલર્ટ આવતીકાલ 6 જુલાઈને સોમવાર સુધી છે. છેલ્લા ત્રણ દિવસથી સતત વરસી રહેલ વરસાદ, હાલમાં બંધ થવાના કોઈ સંકેત દેખાતા નથી. અવિરત ભારે વરસાદને કારણે મુંબઈ તબાહીનો સામનો કરી રહ્યું છે. મુંબઈના અનેક નીચાણવાળા વિસ્તારોમાં પાણી ભરાઈ ગયા છે. મહારાષ્ટ્રના મુખ્યમંત્રી દેવેન્દ્ર ફડણવીસે મુંબઈવાસીઓને બિનજરૂરી મુસાફરી ટાળવા અપીલ કરી છે, લોકોને શક્ય તેટલું ઘરમાં રહેવાની સલાહ વહીવટી વિભાગ દ્વારા પણ આપવામાં આવી છે. મુંબઈમાં હજું આકાશ વરસાદી વાદળોથી ભરપુરછે, અને વરસાદ ચાલુ છે, આગામી કલાકોમાં વરસાદની તીવ્રતા વધવાની શક્યતા છે. મહારાષ્ટ્ર રાજ્યના મોટાભાગના ભાગોમાં વરસાદ વરસ્યો છે. જ્યારે જૂન શુષ્ક હતો, ત્યારે વર્તમાન સમયગાળો ખાધને પૂર્ણ કરી રહ્યો છે. છેલ્લા બે દિવસમાં રેકોર્ડબ્રેક વરસાદ નોંધાયો છે, અને કેટલાક સ્થળોએ રસ્તાઓ પર ખાધ પડી છે. વહીવટીતંત્ર નાગરિકોને સાવધાની રાખવા વિનંતી કરી રહ્યું છે.
હવામાન વિભાગે સેટેલાઈટ તસવીર દ્વારા જાહેર કર્યું છે કે, કલ્યાણ-ડોમ્બિવલી વિસ્તારમાં ગાઢ, કાળા વાદળો છવાયેલા છે. અતિભારે વરસાદ પડવાની શક્યતા છે. ગઈકાલ શનિવારે દિવસભર આ વિસ્તારમાં ભારે વરસાદ પડ્યો હતો. જેના કારણે કલ્યાણ-ડોમ્બિવલીના નીચાણવાળા અનેક વિસ્તારોમાં પાણી ભરાઈ ગયા હતા. કલ્યાણ-ડોમ્બિવલીના રહેવાસીઓ માટે મુશ્કેલીઓ ઊભી થઈ હતી. જો કે આજે વરસાદથી થોડી રાહત મળવાની સંભાવના છે, છતા આકાશ વાદળછાયું રહેશે.
મુંબઈમાં આજે પણ વરસાદ માટે ‘રેડ એલર્ટ’ જાહેર કરવામાં આવ્યું છે. મુંબઈમાં આખી રાત ભારે વરસાદ ચાલુ રહ્યો. વહીવટીતંત્રે નાગરિકોને સતર્ક રહેવા અને સાવચેતી રાખવા વિનંતી કરી છે. રોડ ટ્રાફિક અને રેલવે સેવાઓ હાલમાં સરળતાથી ચાલી રહી છે, પરંતુ વહીવટીતંત્ર ખૂબ જ જરૂરી હોય તો જ બહાર નીકળવાની સલાહ આપી છે. આજે સવારે વરસાદની માત્રા થોડી ધીમી પડી હતી પરંતુ ફરી એકવાર ભારે વરસાદ શરૂ થયો છે.
ભારતીય હવામાન વિભાગ (IMD) એ મુંબઈ, થાણે, સતારા, પાલઘર અને પુણે ઘાટ વિસ્તારોમાં વરસાદ માટે ‘રેડ એલર્ટ’ જાહેર કર્યું છે. રત્નાગિરિ, નાશિક, રાયગઢ, કોલ્હાપુર, વાશિમ, યવતમાલ, ગોંદિયા અને નાશિક ઘાટ વિસ્તારોમાં ‘ઓરેન્જ એલર્ટ’ જાહે કર્યું છે. બાકીના જિલ્લાઓ માટે ‘યલો એલર્ટ’ જાહેર કરવામાં આવ્યું છે.
