મુંબઈગરાઓ માટે ખુશખબર : હવે એક જ કાર્ડથી બસ, ટ્રેન અને મેટ્રોમાં કરી શકાશે મુસાફરી

મુંબઈમાં હવે એક જ કાર્ડ દ્વારા લોકલ ટ્રેન (Mumbai Local Train), બેસ્ટ બસ (BEST Buses) અને મેટ્રો (Mumbai Metro)માં મુસાફરી કરી શકાશે. આ સુવિધા મહિનાના અંતમાં બેસ્ટ દ્વારા ઉપલબ્ધ કરાવવામાં આવશે. તમને જણાવી દઈએ કે દેશભરમાં બસ, મેટ્રો અને અન્ય પરિવહન સેવાઓ માટે સિંગલ કાર્ડ (National Common Mobility Card) ની સુવિધા લાગુ છે ત્યાં આ બેસ્ટ કાર્ડનો પણ ઉપયોગ કરી શકાય છે.

મુસાફરોને મળશે મોટી રાહત

ઉલ્લેખનીય છે કે, દરરોજ મહારાષ્ટ્રના વિવિધ ભાગોમાંથી અનેક લોકો પોતપોતાના કામ અર્થ મુંબઈ આવે છે. આવી સ્થિતિમાં ઘણી વખત અલગ-અલગ મુસાફરી માટે ટિકિટ મેળવવામાં ઘણો સમય લાગે છે. હવે આ બેસ્ટ કાર્ડને (Best Card) કારણે મુસાફરોનો સમય બચશે.ઉપરાંત ટિકિટ કે પાસ મેળવવા માટે ક્યારેક રજાની સમસ્યા સર્જાય છે. આ કારણોસર પણ બેસ્ટે આ સુવિધા આપવાનો પ્લાન તૈયાર કર્યો છે.વર્ષ 2020 માં આવી સિંગલ કાર્ડ સિસ્ટમ (Single Card System)  સુવિધા લાગુ કરવા માટે બેસ્ટ દ્વારા કામ શરૂ કરવામાં આવ્યુ છે. આ જ યોજનાને હવે આખરી ઓપ આપવામાં આવી રહ્યો છે. મળતી માહિતી અનુસાર ફેબ્રુઆરીના અંત સુધીમાં ગ્રાહકોને આ સુવિધા ઉપલબ્ધ કરાવવામાં આવશે.

આ સિંગલ કાર્ડથી થશે ઘણા લાભો

બેસ્ટ દ્વારા જાહેર કરાયેલા આ સિંગલ કાર્ડના ઘણા ફાયદા થશે. હવે મુંબઈકરોને ખિસ્સામાં વધુ રોકડ રાખવાની જરૂર નહીં પડે. કાર્ડનો ઉપયોગ કરીને ટિકિટના પૈસા કાર્ડથી ભરી શકાય છે. આ માટે કાર્ડમાં પહેલાથી જ પૈસા રાખવામાં આવશે.  આ કાર્ડનો ઉપયોગ ડેબિટ કાર્ડ તરીકે કરી શકાય છે. આ કાર્ડ દ્વારા વીજળી બિલ સહિત અનેક જવાબદારીના કામો પણ પતાવી શકાશે.

આ કાર્ડનો ડેબિટ કાર્ડની જેમ ઉપયોગ થશે

દેશમાં જ્યાં પણ બસ, મેટ્રો અને અન્ય જાહેર પરિવહન સેવાઓમાં આવા સિંગલ કાર્ડ પ્રચલિત છે, ત્યાં બેસ્ટ કાર્ડનો પણ ઉપયોગ કરી શકાય છે. બેઝ એડમિનિસ્ટ્રેશન તરફથી એવી પણ માહિતી આપવામાં આવી છે કે એક બેંક સાથે આ અંગે કરાર પણ કરવામાં આવ્યો છે. સાથે જ આ કાર્ડનો ઉપયોગ ડેબિટ કાર્ડ તરીકે પણ થઈ શકે છે.

આ પણ વાંચો : મહારાષ્ટ્રઃ કિરીટ સોમૈયાના સ્વાગતમાં નિયમો ભુલાયા, BJP શહેર પ્રમુખ સહિત 300 લોકો સામે કેસ દાખલ