મુંબઈ સહિત મહારાષ્ટ્રમાં સતત અકસ્માતની ઘટનાઓ સામે આવી રહી છે. મુંબઇના વરલી વિસ્તારમાં અંડર કન્સ્ટ્રક્શન બિલ્ડિંગમાં લિફ્ટ તૂટી પડતાં 4 લોકોનાં મોત નીપજ્યાં છે. આ અકસ્માતમાં એકથી વધુ વ્યક્તિ ઘાયલ પણ થયા છે. એકની હાલત નાજુક હોવાનું જાણવા મળી રહ્યું છે. હાલમાં ઇજાગ્રસ્તોની ચોક્કસ સંખ્યા સ્પષ્ટ થઈ નથી. ઇજાગ્રસ્ત લોકોને સારવાર માટે હોસ્પિટલમાં લઈ જવામાં આવ્યા છે. આજે (શનિવાર, 24 જુલાઇ) આ અકસ્માતમાં ઘાયલ થયેલા લોકોને કેઈએમ અને નાયર હોસ્પિટલમાં દાખલ કરવામાં આવ્યા છે. ઘાયલોની સંખ્યા વધી શકે છે.
પ્રાપ્ત માહિતી અનુસાર આ અકસ્માત સાંજના 6 વાગ્યે બન્યો હતો. બિલ્ડિંગમાં બાંધકામ શરૂ કરાયું હતું એ વખતે જ આ અકસ્માત થયો હતો. આ બિલ્ડિંગનું નિર્માણ અંબિકા બિલ્ડર્સ શંકરરાવ પદપથ માર્ગ 118 અને 119 બીડીડી ચાલ, હનુમાન ગાલી, વરલી ખાતે થઈ રહ્યું છે. બિલ્ડિંગનું નામ લલિત અંબિકા છે. આ અકસ્માતમાં 4 લોકોનાં મોત સાથે 6 લોકો અંદર ફસાયેલા હોવાના સમાચાર સામે આવી રહ્યા છે. ઇજાગ્રસ્તોને સારવાર માટે કેઇએમ હોસ્પિટલ અને નાયર હોસ્પિટલમાં લઈ જવામાં આવ્યા છે.
Published On - 9:48 pm, Sat, 24 July 21