મહારાષ્ટ્ર્રનું રાજકરણ ગરમાયું, વધતી મોંઘવારી અને ઈંધણના ભાવને લઈને ઉદ્ધવ ઠાકરેએ મોદી સરકાર પર સાધ્યું નિશાન

સીએમ ઉદ્ધવ ઠાકરેએ ઘરેલુ ગેસ સિલિન્ડરના ભાવ વધારાને લઈને કેન્દ્ર સરકારને ઘેરી અને કહ્યું, દેવેન્દ્ર ફડણવીસ કહે છે કે પીએમ નરેન્દ્ર મોદીએ ગરીબોને રાશન આપ્યું હતું. રાશન આપ્યું, પણ તે બનાવીને ખાવું કે કાચું ખાવું? ગેસના ભાવ આજે આસમાને છે. આદિવાસી વિસ્તારોમાં જાવ તો એમનું આ જ કહેવું છે. પહેલો સિલિન્ડર તો મળ્યો પરંતુ બીજા સિલિન્ડર માટે કેટલા પાપડ વણવા પડ્યા આ કોઈએ આવીને પુછ્યુ ? પહેલું સિલિન્ડર લઈને હવે કોરોનાને ભગાડવા માટે જે રીતે થાળી વગાડવામાં આવી તે રીતે સિલિન્ડર વગાડીએ ?

‘વિનામુલ્યે રાશન તો આપ્યું, પરંતુ તેને રાંધવા માટેના સિલિન્ડર મોંઘા કર્યા’

આગળ ઉદ્ધવ ઠાકરેએ કહ્યું, જો રાશન આપવામાં આવ્યું હતું, તો તે જનતાના પૈસાથી આપવામાં આવ્યું હતું. પોતાના ખિસ્સામાંથી નથી આપ્યું. ગઈકાલના ભાષણમાં મોંઘવારી વિશે કોઈએ કંઈ કહ્યું? તેઓ (દેવેન્દ્ર ફડણવીસ) કહે છે કે જે રીતે કેટલાક ભાજપ શાસિત રાજ્યોએ તેમના ટેક્સમાં ઘટાડો કર્યો છે અને પેટ્રોલ અને ડીઝલને સસ્તું કર્યું છે. જો રાજ્ય સરકારે અહીં પણ આવું કર્યું હોત તો પેટ્રોલ સસ્તું થયું હોત. તમે વધારતા જાઓ અને અમે કરતા જઈએ? કેન્દ્ર અમારા GST લેણાં ચૂકવી રહ્યું નથી. વિકાસના કામો ક્યાંથી કરીએ? અમે રાજ્યના વિકાસ માટે મહા વિકાસ અઘાડીની રચના કરી છે.

વિધાનસભામાં નાણામંત્રીએ વેટમાં ઘટાડો કરીને CNG-PNG સસ્તું કર્યું હતું

આ પણ વાંચો :  પૂર્વ સીએમ ફડણવીસ ધનગર સમાજના બિરોબા મંદિર માટે કેન્દ્ર સરકાર પાસે આર્થિક સહાય માંગશે, 165 કરોડમાં થશે મંદિરનું પુનઃનિર્માણ