મહારાષ્ટ્ર મંત્રીમંડળનું આખરે વિસ્તરણ થયું છે. 30 જૂને મુખ્યપ્રધાન અને નાયબ મુખ્યપ્રધાન તરીકે એકનાથ શિંદે અને દેવેન્દ્ર ફડણવીસે શપથ લીધા હતા. ત્યારથી લઈને આજદીન સુધી મહારાષ્ટ્રમાં માત્ર બે જ પ્રધાનો હતા.
Follow us on
મહારાષ્ટ્રમાં કેબિનેટ (Maharashtra Cabinet) વિસ્તરણ અંગે લાંબા સમયથી ચાલી રહેલી અટકળોનો મંગળવારે અંત આવ્યો છે. મહારાષ્ટ્રમાં શિંદે સરકારના (Eknath Shinde) મંત્રીઓ આજે શપથ લીધા છે. મહારાષ્ટ્રમાં 30 જૂને શિંદેએ મુખ્યપ્રધાન તરીકે શપથ લીધા અને દેવેન્દ્ર ફડણવીસે (Devendra Fadnavis) નાયબ મુખ્ય પ્રધાન તરીકે શપથ લીધા હતા. મહારાષ્ટ્ર કેબિનેટમાં અત્યાર સુધી માત્ર બે જ સભ્યો હતા. સરકારની રચનાના 39 દિવસ પછી મંત્રીમંડળનું વિસ્તરણ થયું છે. એકનાથ શિંદે જૂથ અને ભાજપના ધારાસભ્યો પૈકી 18 ધારાસભ્યોએ આજે પ્રધાનપદના શપથ લીધા છે.
Maharashtra Cabinet expansion | 18 ministers to be sworn in today at Raj Bhavan in Mumbai pic.twitter.com/1vUX6e2yoy
39 દિવસની રાહ જોયા બાદ મહારાષ્ટ્રની એકનાથ શિંદે અને દેવેન્દ્ર ફડણવીસ સરકારની કેબિનેટ વિસ્તરણ થયું છે. ભાજપના ક્વોટામાંથી 9 મંત્રીઓએ શપથ લીધા છે. એકનાથ શિંદેની છાવણીમાંથી પણ એટલી જ સંખ્યામાં ધારાસભ્યોએ શપથ લીધા છે. પહેલા રાધાકૃષ્ણ વિખે પાટીલે શપથ લીધા હતા અને પછી બીજેપીના વરિષ્ઠ નેતા સુધીર મુનગંટીવારે શપથ લીધા.
18 ધારાસભ્યોએ મંત્રી તરીકે શપથ લીધા
પ્રધાન તરીકેની શપથ લેનારા 18 પૈકી ભાજપના આ સભ્યોએ મંત્રીપદના શપથ લીધા છે.
એકનાથ શિંદેએ શિવસેનાથી અલગ થઈને ભાજપ સાથે મળીને સરકાર બનાવી હતી, પરંતુ શિંદે અને નાયબ મુખ્ય પ્રધાન દેવેન્દ્ર ફડણવીસ સિવાય કોઈએ શપથ લીધા ના હતા. ઉદ્ધવ ઠાકરે જૂથ દ્વારા સુપ્રીમ કોર્ટમાં દાખલ કરાયેલી અરજીના પગલે કેબિનેટ વિસ્તરણ અટકી ગયું હતું. કોર્ટમાં આ મામલો જલદી ઉકેલાય તેમ લાગતું નથી, તેને ધ્યાનમાં રાખીને કેબિનેટનું વિસ્તરણ કરવાનો નિર્ણય લેવામાં આવ્યો છે.
