Breaking News : મહારાષ્ટ્રના રાજકારણમાં ખળભળાટ, શિવસેના UBT ના વિભાગ પ્રમુખ પર તાબડતોબ ફાયરિંગ, સારવાર દરમિયાન મોત !

મહારાષ્ટ્રના ઠાણે શહેરમાં મંગળવાર, 29 સપ્ટેમ્બરની રાત્રે શિવસેના (UBT)ના નેતા પ્રદીપ પૂર્ણેકરની ગોળી મારીને હત્યા કરવામાં આવી હોવાની ઘટના સામે આવી રહી છે. પોલીસે કેસ નોંધીને તપાસ શરૂ કરી છે. ઘટનાસ્થળ અને આસપાસના વિસ્તારોના CCTV ફૂટેજ તપાસવામાં આવી રહ્યા છે અને શંકાસ્પદ આરોપીઓની શોધખોળ ચાલી રહી છે. સૂત્રો અનુસાર, પ્રદીપ (બાલા) પૂર્ણેકર ઉદ્ધવ ઠાકરેના નેતૃત્વવાળી શિવસેના (UBT)ના ઠાણે વિભાગનો પ્રમુખ હતો.

મંગળવારે રાત્રે લગભગ 9 વાગ્યે કપૂરબાવડી પોલીસ સ્ટેશનની હદમાં અજાણ્યા હુમલાખોરોએ તેના પર બે રાઉન્ડ ફાયરિંગ કર્યું હતું. આ દરમિયાન તેની સાથે મારપીટ પણ કરવામાં આવી હતી. ગોળી વાગવાથી તે ગંભીર રીતે ઘાયલ થયો હતો. ઘટના બાદ તેને તાત્કાલિક ઘોડબંદર રોડ પર આર મોલ નજીક આવેલી ઇન્ફિનિટી હોસ્પિટલમાં લઈ જવામાં આવ્યો હતો. જોકે, સારવાર દરમિયાન તેનું મોત થયું હતું.

પોલીસ તપાસમાં લાગી

ઘટનાની જાણ થતાં જ પોલીસની ટીમ સ્થળ પર પહોંચી હતી અને ફોરેન્સિક પુરાવા એકત્રિત કર્યા હતા. હુમલાખોરો કોણ હતા અને તેઓ કયા રસ્તેથી ફરાર થયા તેની માહિતી મેળવવા માટે પોલીસ ઘટનાસ્થળ તેમજ આસપાસના રસ્તાઓના CCTV ફૂટેજ તપાસી રહી છે. શંકાસ્પદ આરોપીઓને ઝડપી પાડવા માટે ઠાણેના મુખ્ય બહાર નીકળવાના માર્ગો પર નાકાબંધી કરવામાં આવી છે. પોલીસે ઘટનાના સાક્ષીઓની પણ પૂછપરછ શરૂ કરી છે.

#WATCH | Mumbai | Shiv Sena UBT worker shot in front of his office in Manpada area in Thane

Police cordon off the area and conduct investigation on the site of the incident pic.twitter.com/B3jADkJsVW

— ANI (@ANI) September 29, 2026

હુમલાનું કારણ હજુ અસ્પષ્ટ

હુમલા પાછળનું કારણ હજુ સુધી સ્પષ્ટ થયું નથી. પોલીસ સંભવિત રાજકીય અદાવત તેમજ વ્યક્તિગત દુશ્મની સહિતના વિવિધ પાસાઓથી તપાસ કરી રહી છે. ફાયરિંગ પાછળનું કારણ શું હતું, હુમલાખોરોની સંખ્યા કેટલી હતી અને કયા સંજોગોમાં પ્રદીપ પૂર્ણેકરને નિશાન બનાવવામાં આવ્યું હતું તે અંગેની વધુ માહિતી તપાસ પૂર્ણ થયા બાદ સામે આવશે.

ઘટનાને પગલે વિસ્તારમાં તણાવ

આ ઘટનાને પગલે વિસ્તારમાં તણાવનું વાતાવરણ સર્જાયું છે. પાર્ટીના એક નેતા અનુસાર, પૂર્ણેકર ઉદ્ધવ ઠાકરેના નેતૃત્વવાળી શિવસેના (UBT)માં ઠાણે વિભાગ પ્રમુખ હતો. ઘટનાને પગલે સ્થાનિક પાર્ટી કાર્યકરો અને સમર્થકોમાં ચિંતા ફેલાઈ છે. શિવસેના (UBT)ના વરિષ્ઠ નેતાઓએ ઘટનાને લઈને નારાજગી વ્યક્ત કરી છે અને આરોપીઓની વહેલી તકે ધરપકડ કરવાની માંગ કરી છે.

આ પણ વાંચો, IND vs WI: ગુવાહાટીમાં જોરદાર ચાલે છે વિરાટ કોહલીનું બેટ, દરેક વખતે ફટકારી સદી, બીજી વાર હેટ્રિકની તક