જો વાહન ચલાવતી વખતે આ ભૂલો કરી તો તમારું ડ્રાઇવિંગ લાઇસન્સ થશે રદ, જાણો વિસ્તારથી
વાહન ચલાવતી વખતે લોકોએ અનેક વાતનું ધ્યાન રાખવાનું હોય છે. જેમાં અનેક પ્રકારના ટ્રાફિક નિયમોનું પણ પાલન કરવાનું હોય છે. જો તમે વાહન ચલાવતી વખતે આ નિયમોનું ઉલ્લંધન કર્યું તો તમને મોટું નુકસાન પણ થઈ શકે છે. તેમજ તમારું ડ્રાઈવિંગ લાઈસન્સ પણ રદ થઈ શકે છે. તો ચાલો આ વિશે આજે આપણે વિસ્તારથી વાત કરીએ.
ડ્રાઈવિંગ લાઈસન્સ કોઈ પણ વ્યક્તિને વાહન ચલાવવાનો અધિકાર આપે છે, પરંતુ આ અધિકાર ચોક્કસ શરતો સાથે આવે છે. આ શરતોનું ઉલ્લંઘન કરવાથી તેમનું ડ્રાઇવિંગ લાઇસન્સ રદ થઈ શકે છે. તમે કદાચ વિચારી રહ્યા હશો કે, મોટાભાગના ટ્રાફિક ઉલ્લંઘનો ટ્રાફિક ચલણના રૂપમાં દંડ ફટકારવામાં આવે છે, પરંતુ કયા ગુનાઓ ડ્રાઇવિંગ લાઇસન્સ રદ કરી શકે છે? જો તમે આ મુદ્દાઓ વિશે વિચારી રહ્યા છો, તો આજે આપણે આના વિશે વિસ્તારથી વાત કરીશું.
ડ્રાઈવિંગ લાઈસન્સ રદ થવાના મુખ્ય કારણો જોઈએ તો
દારુ પીને ગાડી ચલાવવી
આ સૌથી પહેલું કારણ છે. જેનાથી તમારું ડ્રાઈવિંગ લાઈસન્સ રદ થઈ શકે છે. દારુ પીને ગાડી ચલાવવી માત્ર તમારા માટે જ નહી પરંતુ અન્ય લોકો માટે પણ ખતરનાક છે.
ઓવરસ્પીડમાં ગાડી ચલાવવી
જો તમે ઓવરસ્પીડમાં ગાડી ચલાવી રહ્યા છો. તો આનાથી અકસ્માત થવાની શકયતા વધી જાય છે. આ એક ગંભીર ગુનો છે. જો તમને વારંવાર ઓવરસ્પીડિંગ માટે દોષિત ઠેરવવામાં આવે, તો શક્ય છે કે તમારું ડ્રાઇવિંગ લાઇસન્સ રદ થઈ શકે છે.
સિગ્નલ તોડવું
સિગ્નલ તોડવુંએ પણ એક ગંભીર ગુનો છે. તેનાથી અન્ય વાહનો સાથે અથડામણ થઈ શકે છે. વારંવાર આવા ટ્રાફિક ઉલ્લંઘન કરવાથી તમારું ડ્રાઇવિંગ લાઇસન્સ સસ્પેન્ડ અથવા રદ થઈ શકે છે.
ફોગ લાઈટનો ખોટો ઉપયોગ
ફોગ લાઈટનો ઉપયોગ માત્ર ધુંધરું વાતાવરણ કે વરસાદના સમયમાં કરવામાં આવે છે. આનો ખોટો ઉપયોગ કરવાથી તમારું લાઈસન્સ રદ થઈ શકે છે.
મોબાઈલ ફોનનો ઉપયોગ
ગાડી ચલાવતી વખતે મોબાઈલ ફોનનો ઉપયોગ કરવો પણ એક ગંભીર ગુનો છે. જેનાથી ગંભીર દુર્ઘટના પણ બની શકે છે.આ ગુના માટે ડ્રાઇવિંગ લાઇસન્સ પણ રદ થઈ શકે છે.
ટ્રાફિક નિયમોનું સતત ઉલ્લંઘન
રસ્તાઓ પર શિસ્ત જાળવવા માટે ભારતમાં ટ્રાફિક નિયમો લાગુ કરવામાં આવ્યા છે. ટ્રાફિક નિયમોનું ઉલ્લંઘન કરવાથી લાઇસન્સ રદ થઈ શકે છે. જો કોઈ ખોટી લેનમાં વાહન ચલાવતું અથવા ખોટી રીતે ઓવરટેક કરતું જોવા મળે, તો તેની સામે કડક કાર્યવાહી થઈ શકે છે, અને તેનું ડ્રાઇવિંગ લાઇસન્સ રદ કરી શકાય છે.
ડ્રાઈવિંગ લાઈસન્સ રદ થવાથી શું નુકસાન થાય
જો તમારું ડ્રાઈવિંગ લાઈસન્સ રદ થાય તો ગંભીર નુકસાન પણ થઈ શકે છે. ગંભીર ગુના માટે તમારા પર કાનુની કાર્યવાહી પણ થઈ શકે છે. જો તમારું લાઈસન્સ રદ થઈ જાય છે. તો તમારે વીમાનું પ્રીમિયમ વધારે દેવું પડી શકે,તેથી, ટ્રાફિક નિયમોનું પાલન કરીને, તમે ફક્ત તમારા પોતાના જીવનને જ નહીં પરંતુ બીજાના જીવનને પણ બચાવી શકો છો.
