Scam Alert: દિલ્હી એરપોર્ટ પર મુસાફર સાથે થયો ખતરનાક ‘ટાઈમ સ્કેમ’, CISF ઓફિસરની સલાહ ન માનવી ભારે પડી

ભારતના સૌથી વ્યસ્ત એવા દિલ્હીના ઈન્દિરા ગાંધી ઈન્ટરનેશનલ એરપોર્ટ પર સ્કેમર્સ કેવી રીતે સક્રિય હોય છે, તેનો જીવતો જાગતો પુરાવો એક રેડિટ (Reddit) યુઝરે શેર કર્યો છે. આ ઘટના એવા લોકો માટે ચેતવણી સમાન છે જેઓ એરપોર્ટ પર ઉતાવળમાં ટેક્સી ભાડે કરે છે.

શું હતી આખી ઘટના?

એક મુસાફરને ટર્મિનલ 2 (T2) થી ફ્લાઈટ પકડવાની હતી, પરંતુ ભૂલથી તેની કેબ તેને ટર્મિનલ 3 (T3) પર ઉતારી ગઈ. ત્યાં હાજર CISF ના જવાન એ તેને રસ્તો બતાવતા કહ્યું કે, “લિફ્ટ લઈને ગ્રાઉન્ડ ફ્લોર પર જાવ અને ત્યાંથી ચાલીને T2 પહોંચી જાવ.” પરંતુ મુસાફરે વિચાર્યું કે ટેક્સી કરી લેવી વધુ સારી રહેશે.

ઓ પાજી, હમણાં પહોંચાડી દઈશ’ – ડ્રાઈવરની જાળ

મુસાફર જ્યારે રસ્તામાં હતો ત્યારે તેને એક ટેક્સી ડ્રાઈવર મળ્યો. ડ્રાઈવરે ડરાવ્યો કે, “સાહેબ, ચાલીને જશો તો 20-30 મિનિટ થશે, બેસી જાવ ગાડીમાં.” ભાડા વિશે પૂછતા ડ્રાઈવરે વાત ફેરવી નાખી અને કહ્યું કે, “ઓલા (Ola) ના ભાવે જ લઈ જઈશ, અત્યારે નેટ સ્લો છે.” મુસાફરને લાગ્યું કે 100-200 રૂપિયા ભાડું હશે, પણ ગાડી શરૂ થયાના થોડી જ મિનિટોમાં ડ્રાઈવરે ₹650 માંગ્યા! અંતે રકઝક કરીને મુસાફરે ₹550 આપવા પડ્યા.

જાણવા જેવો સબક: જે ભૂલ મુસાફરે કરી, તમે ન કરતા!

આ ઘટના બાદ યુઝરે સોશિયલ મીડિયા પર અન્ય મુસાફરોને ચેતવતા કેટલીક મહત્વની વાતો જણાવી છે:

• વોકિંગ ડિસ્ટન્સ: T3 થી T2 માત્ર 5 થી 10 મિનિટના ચાલવાના અંતરે છે. તેના માટે ટેક્સીની કોઈ જરૂર હોતી નથી.
• શટલ બસ સુવિધા: જો તમારે એક ટર્મિનલથી બીજા ટર્મિનલ જવું હોય (ખાસ કરીને T1 થી T3), તો માત્ર ₹25 માં રેલવે કે એરપોર્ટની શટલ બસ મળે છે.
• ભાડું નક્કી કરો: જો ટેક્સી કરવી જ પડે, તો પહેલા ભાડું નક્કી કરો અને પછી જ ગાડીમાં બેસો.

દિલ્હી એરપોર્ટ પર CISF જવાનો અનુભવી હોય છે અને તેમની સલાહ હંમેશા મુસાફરોના હિતમાં હોય છે. ઉતાવળમાં લીધેલો નિર્ણય ઘણીવાર ખિસ્સા પર ભારે પડી શકે છે.

શું તમે પણ ગર્લફ્રેન્ડને ફેમિલી સાથે મળાવવાનું વિચારી રહ્યા છો? ઉતાવળ કરતા પહેલા આ 5 ‘ડેન્જર સાઈન’ ચેક કરી લો