Breaking News : ભારતીય રેલવેએ ગુજરાતમાં 153 કરોડ રૂપિયાના ખર્ચે 4-લેન ROB ના બાંધકામને મંજૂરી આપી
ભારતીય રેલવેએ આંધ્રપ્રદેશના સાવલ્યપુરમ-ગુંટુર સેક્શનમાં 1x25 KV ઇલેક્ટ્રિક ટ્રેક્શન સિસ્ટમને 142 કરોડ રૂપિયાના ખર્ચે 2x25 KV માં અપગ્રેડ કરવાની મંજૂરી આપી છે.ગુજરાતમાં 4-લેન ROB બનશે
ભારતીય રેલવે આંધ્રપ્રદેશમાં સાવલ્યપુરમ-ગુંટુર રેલ સેક્શન પર ઇલેક્ટ્રિક ટ્રેક્શન સિસ્ટમના અપગ્રેડેશનને મંજૂરી આપી છે. આ પ્રોજેક્ટનો ખર્ચ આશરે 42 કરોડ થશે. 73 રૂટ કિલોમીટર (RKM) સાવલ્યપુરમ-ગુંટુર સેક્શન પર હાલની 1 × 25 kV ઇલેક્ટ્રિક ટ્રેક્શન સિસ્ટમને 2 × 25 kV સિસ્ટમમાં અપગ્રેડ કરવામાં આવશે. આ અપગ્રેડેશનથી આશરે 146 ટ્રેક કિલોમીટર (TKM) ને ફાયદો થશે.ભારતીય રેલવેએ પશ્ચિમ રેલ્વેના ગેરાતપુર-અમદાવાદ સેક્શન પર લેવલ ક્રોસિંગ નંબર 305 પર 153 કરોડના ખર્ચે નવા 4-લેન રોડ ઓવર બ્રિજ (Road Over Bridge)ના નિર્માણને મંજૂરી આપી છે.
વીજ પુરવઠાની ક્ષમતા વધશે
2×25 KV સિસ્ટમ લાગુ થયા બાદ આ રેલવે સેક્શન પર ટ્રેન માટે વીજળીની સપ્લાઈની ક્ષમતા મજબુત થશે. જેનાથી રેલવે ટ્રાફિકને સંભાળવામાં રેલવેને મદદ મળશે. તેમજ ઈલેક્ટ્રિક ટ્રેનનું સંચાલન વધારે સુંદર રીતે કરી શકાશે.
4-લેન ROB ના બાંધકામને મંજૂરી આપી
ગુજરાતમાં રોડ ટ્રાફિકની સલામત અને સુગમ અવરજવર સુનિશ્ચિત કરવા તરફ એક મહત્વપૂર્ણ પગલું ભરતા, ભારતીય રેલવેએ પશ્ચિમ રેલ્વેના ગેરાતપુર-અમદાવાદ સેક્શન પર લેવલ ક્રોસિંગ નંબર 305 પર ચાર-લેન રોડ ઓવરબ્રિજ (Road Over Bridge)ના નિર્માણને મંજૂરી આપી છે. આ પ્રોજેક્ટ153 કરોડના ખર્ચે મંજૂર કરવામાં આવ્યો છે.આ પ્રોજેક્ટ પશ્ચિમ રેલવેના ચાલી રહેલા વ્યાપક કાર્ય હેઠળ મંજૂર કરવામાં આવ્યો છે, જેમાં રોડ ઓવર અને અંડર બ્રિજ, ફૂટ ઓવર બ્રિજ, ડ્રેનેજ સુધારણા અને રોડ ઓવર અને અંડર બ્રિજનું પુનર્નિર્માણ સામેલ છે.
મુસાફરો માટે સલામત અને ઝડપી મુસાફરી
નવા ઓવરબ્રિજના નિર્માણથી રસ્તાના વપરાશકર્તાઓને લેવલ ક્રોસિંગ પર રાહ જોવાની જરૂરિયાત દૂર થશે. આનાથી રેલવે લાઇન પર 24 કલાક અવિરત ટ્રાફિકની અવરજવર સુનિશ્ચિત થશે. આ વિસ્તારના રસ્તાના વપરાશકર્તાઓ સુરક્ષિત મુસાફરી, મુસાફરીનો સમય ઓછો થશે અને ક્રોસિંગ પર ભીડ ઓછી થશે.આ મંજૂરી ભારતીય રેલવેની દેશભરમાં લેવલ ક્રોસિંગ દૂર કરવા, જાહેર સલામતી સુધારવા અને આધુનિક અને કાર્યક્ષમ પરિવહન માળખાના નિર્માણ માટે સતત પ્રતિબદ્ધતાને પ્રતિબિંબિત કરે છે.
ઇલેક્ટ્રિક ટ્રેક્શન ઇન્ફ્રાસ્ટ્રક્ચરને મજબૂત બનાવશે
સાવલ્યપુરમ-ગુંટુર વિભાગ HUN રૂટ 8 નો ભાગ છે. આ માર્ગ વાસ્કો-ગદગ-ગુંટકાલ-નંદ્યાલ-સાવલ્યપુરમ-ગુંટુર-વિજયવાડાને જોડે છે.અધિકારીઓએ જણાવ્યું હતું કે, મંત્રાલયે દક્ષિણ કોસ્ટ રેલવેના 73 રૂટ-કિલોમીટર લાંબા સાવલ્યપુરમ-ગુંટુર સેક્શન પર ઇલેક્ટ્રિક ટ્રેક્શન સિસ્ટમને 1×25 kV થી 2×25 kV સુધી અપગ્રેડ કરવાનો પણ નિર્ણય લીધો છે. જેનો કુલ ખર્ચ 142 કરોડ થશે. મંત્રાલયે જણાવ્યું કે, 146 ટ્રેક-કિલોમીટરમાં ફેલાયેલો આ પ્રોજેક્ટ ઇલેક્ટ્રિક ટ્રેક્શન ઇન્ફ્રાસ્ટ્રક્ચરને મજબૂત બનાવશે અને વધતી જતી રેલવે કામગીરીને ટેકો આપવા માટે તેની ક્ષમતામાં વધારો કરશે,
