Onam 2023 : ઓણમ (Onam 2023) કેરળના મુખ્ય તહેવારોમાંનો એક છે અને આ તહેવારની ખાસ વાત એ છે કે ‘સાધ્યા’ એટલે કે તહેવાર. સાધ્યા પરંપરાગત શાકાહારી મલયાલમ ભોજનને આવરી લે છે. કેળાના પાંદડાઓમાં 24 થી 28 વિવિધ પ્રકારના ખારા, મીઠા અને ખાટા ખોરાકનો સમાવેશ થાય છે. પાયસમ, ચોખા, સાંભર, નારિયેળની ચટણી, અને બીજી ઘણી બધી વાનગીઓ કેળાના પાનમાં પીરસવામાં આવે છે.
આ પણ વાંચો : IVF સારવાર દરમિયાન મહિલાઓનો આહાર કેવો હોવો જોઈએ? જાણો નિષ્ણાતો શું કહે છે
ઓણમ એક પારંપારિક કૃષિ આધારિત પર્વ છે, જે દક્ષિણ ભારતમાં 10 દિવસ સુધી ધામધૂમથી મનાવવામાં આવે છે, આ કેરળનો મુખ્ય તહેવાર છે. આ તહેવારમાં વાનગીઓ સર્વ કરવામાં આવે તેને સાધ્ય કહેવામાં આવે છે. ખાસ વાત તો એ છે કે, આ તહેવારમાં સમગ્ર શાહકારી ભોજન જ સામેલ કરવામાં આવે છે, તો ચાલો જાણીએ સાધ્ય સાથે જોડાયેલી વાતો
ઓણમ પર્વ દરમિયાન સાધ્ય મલયાલીના લોકો માટે ખુબ મહત્વપુર્ણ છે. જેમાં કેંળાના પાંદડામાં અલગ અલગ શાકાહારી ભોજન પીરસવામાં આવે છે.સાધ્યમાં અલગ અલગ ભોજનો પીરસવામાં આવે છે. તમને જણાવી દઈએ કે, અંદાજે 21 તેનાથી વધારે 28 ભોજન કેળાના પાંદડામાં સર્વ કરવામાં આવે છે.
તમને જાણીને નવાઈ લાગશે કે સાધ્યમાં પીરસવામાં આવતો તમામ ખોરાક સંપૂર્ણપણે શાકાહારી છે અને તે વિશ્વની સૌથી મોટી શાકાહારી થાળી છે, જેમાં મીઠાઈથી લઈને નમકીન સુધીની 21 થી 28 પ્રકારની વાનગીઓ હોય છે.
સાધ્યને પીરસવાની સ્ટાઈલ ખૂબ જ અલગ અને અનોખી છે, જેમાં કેળાના પાનની ડાળીના ભાગને જમણી બાજુ રાખીને તેમાં ભોજન પીરસવામાં આવે છે. બધી શાકાહારી સાધ્ય વાનગીઓ અલગ રીતે રાખવામાં આવે છે.
તમને જણાવી દઈએ કે સાધ્યમાં પીરસવામાં આવતી વાનગીઓનો સ્વાદ સંતુલિત હોય છે. કેળાના પાનનો ઉપયોગ મીઠી, નમકીન, ખાટી અને કડવી જેવી વિવિધ સ્વાદવાળી વાનગીઓ પીરસવા માટે થાય છે.
એવું માનવામાં આવે છે કે આ શાકાહારી ખોરાક જમીન પર બેસીને ખાવામાં આવે છે. પ્રાચીન માન્યતા અનુસાર, નીચે બેસીને ખાવાથી પાચન પ્રક્રિયા મજબૂત બને છે અને ખાવામાં આવેલો ખોરાક સરળતાથી પચી જાય છે.
ઓણમ સાધ્યમાં બનતી તમામ વાનગીઓ નારિયેળ તેલથી બનાવવામાં આવે છે. તે સ્વાસ્થ્ય માટે સંપૂર્ણપણે આરોગ્યપ્રદ હોય છે.
સાધ્યમાં પીરસવામાં આવતો ખોરાક અડધો પ્રવાહી કઢી છે, જ્યારે બાકીનો અડધો સૂકો છે. આ બે પ્રકારના ખોરાકને સંતુલિત કરીને તૈયાર કરવામાં આવે છે.
કેળા એ સાધ્ય થાળીનો મહત્વનો ભાગ છે. જેમાં કેળાના પાનથી લઈને ફળો અને ફૂલો સુધી અનેક શાકભાજી અને વાનગીઓ બનાવવામાં આવે છે.
(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા નિષ્ણાતની સલાહ લો.)
Healthના દરેક સમાચાર વાંચવા અહીં ક્લિક કરો