કાનની બુટ્ટી આઉટ ઓફ સ્ટાઈલ નથી થઈ હજુ, કોઈપણ આઉટફિટ પર એવરગ્રીન છે સ્ટોન સ્ટડેડ ઈયર રિંગ, વાંચો કયા આઉટફીટ પર કઈ બુટ્ટીઓ શોભી ઉઠશે

ઈયરિંગસ એટલે કે કાનની બુટ્ટી એવી એક્સેસરીઝ છે જે કોઈપણ યંગ ગર્લ્સને આકર્ષે છે. એમાંય જો સ્ટોન સ્ટડેડ ઇયરરિંગ્સ હોય તો પછી પૂછવું જ શું ? ડાયમંડ પછી ઘણા ઓછા ઈયર રિંગ્સ એવા હોય છે જે દરેક આઉટફિટ પર શોભે છે, અને તેમાંથી એક છે સ્ટોન સ્ટડ ઈયર રિંગ. જે આજકાલ બહુ ટ્રેન્ડમાં જોવા મળી રહ્યા છે. આમ તો આ એવી કાનની બુટ્ટીઓ કહી શકાય જે હજી સુધી આઉટ ઓફ સ્ટાઇલ ગઈ જ નથી.

દેખાવમાં તે થોડી હેવી લાગે છે પણ વિવિધ કલરના સ્ટોન સ્ટડેડ ઇયરરિંગ આજની યુવતીઓ પહેરવાનું વધારે પસંદ કરે છે. પેન્ટ ટીશર્ટ કે સલવાર કુરતી સાથે આવા સ્ટોન સ્ટડેડ ઈયરિંગસ સારા લાગે છે. તે ટ્રેડિશનલ વેર સાથે પણ એટલા જ શોભે છે. કોલેજીયન ગર્લ્સ તેને વધારે પસંદ કરી રહી છે કારણ કે તેનો લુક સૌથી ડિફરન્ટ આવે છે. આવા ઈયર રિંગ્સ ઓલમોસ્ટ દરેક કલરમાં મળી આવે છે. તે કિંમતમાં પણ એટલા કોસ્ટલી નથી હોતા જેથી તમારા પરિધાનના કલર કે ડિઝાઇનના આધારે તેને શોધવા પણ બહુ આસાન છે.

વિવિધ કલર્સ અને શેપમાં મળતા સ્ટોન સ્ટડેડ ઈયરિંગ્સમાં સિમ્પલ કલરના સ્ટોનની આસપાસ સ્કવેર કે પાન શેપમાં અમેરિકન ડાયમંડ લગાવેલા હોય એવા ઈયરિંગ્સ સારા લાગે છે. તે પહેરવામાં પણ ગમે છે. આવા અમેરિકન ડાયમંડની વચ્ચે લગાવેલા વિવિધ કલરના સ્ટોન વાળા ઈયરરિંગ્સ કોઈપણ આઉટફિટ સાથે શોભે છે. ઘણી યુવતીઓ માત્ર સ્ટોન જ હોય એવા ઈયરરિંગ પહેરવાનું જ પસંદ કરે છે.

જોકે સૌથી વધારે જો યુવતીઓને પસંદ હોય તો તે છે મલ્ટીકલર સ્ટોન સ્ટડેડ ઇયરરિંગ્સ. તે દરેક આઉટફિટ સાથે મેચ થાય છે. આ ઉપરાંત સ્ટોન સ્ટડેડમાં ફ્લોરલ, વોટર ડ્રોપ, પાંદડીઓ લગાવેલી હોય એવા ઈયરરિંગ્સ પણ ખૂબ ટ્રેન્ડી લાગે છે. મલ્ટીકલર ઈયર રિંગ્સનો બીજો મોટો ફાયદો એ પણ છે કે તેમાં દરેક રંગો આવી જતા હોય મેચિંગ કરવાની કડાકૂટ રહેતી નથી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો