બજેટની જાહેરાત દરમિયાન સંસદમાં NDA સરકારનો જોષ જોવા જેવો હતો. પણ જ્યારે તમે આ બજેટને ધ્યાનથી સાંભળી રહ્યાં હતા ત્યારે એવી થોડા ઘણાં કિસ્સાઓ સર્જાયા જેના પર કદાચ તમારી નજર નહીં ગઈ હોય.
નરેન્દ્ર મોદીનું જેકેટ જોયું તમે? તમને થશે તેમાં શું નવું હતું. આવું જેકેટ તો વડાપ્રધાન મોદી પહેરતા જ આવ્યા છે. પણ આ જેકેટમાં ખાસ છે તેનો કલર અને તે છે ગ્રીન એટલે કે લીલો કલર.
એક વખત કોંગ્રેસ સાંસદ શશી થરૂરે એક સવાલ ઉભો કર્યો હતો કે કેમ વડાપ્રધાન મોદી ગ્રીન-લીલા કલરના કપડા નથી પહેરતા? શશી થરૂર એક સેમિનારમાં સ્પીચ આપી રહ્યાં હતાં અને તેમણે આ સવાલ ઉઠાવ્યો હતો.
ત્યારબાદ તેમણે એમ પણ કહ્યું કે વડાપ્રધાન મોદીએ ક્યારેય ગ્રીન કલરના કપડા નથી પહેર્યા કારણ કે ગ્રીન કલરને ક્યાંક ને ક્યાંક મુસલમાનોના કલર સાથે જોડવામાં આવે છે.
પણ આજના બજેટ બાદ આ સવાલનો છેદ જ ઉઠી ગયો કે જ્યારે મોદીએ ગ્રીન જેકેટ પહેર્યું. એ સિવાય પણ કેટલીક વખત વડાપ્રધાન ગ્રીન કલરના કપડામાં જોવા મળ્યા છે. હા, તેઓ આ કલર વધુ પડતો નથી પહેરતા પણ તે પહેરે છે.
બૉલિવૂડ ફિલ્મ ઉરી-ધ સર્જિકલ સ્ટ્રાઈક લોકોએ જેટલી વખાણી છે તેટલી જ વડાપ્રધાન નરેન્દ્ર મોદી, રક્ષામંત્રી નિર્મલા સીતારામન, ગોઆના મુખ્યપ્રધાન મનોહર પરિકર અને વિવિધ મંત્રીઓ વખાણી ચૂક્યા છે. પણ આજે સંસદમાં જ ઉરી ફિલ્મનો જોષ જોવા જેવો હતો.
બજેટની જાહેરાત દરમિયાન જ નાણાં મંત્રી પિયૂષ ગોયલ બોલ્યા,
“મને તો ઉરી ફિલ્મ જોવાનું સૌભાગ્ય મળ્યું છે. જે મજા આવી છે, જે જોષ હતો થિયેટરમાં. ઉરી જોયા બાદ હવે એન્ટરટેઈનમેન્ટ વધુ ને વધુ લોકો સુધી સરળતાથી ઉપલબ્ધ થવું જોઈએ.”
જ્યારે બજેટની આ મુખ્ય હાઈલાઈટ ગણાતી એવી જાહેરાત કરવામાં આવી કે હવે ટેક્સ ભરવાની આવક મર્યાદા રૂ.2.50 લાખથી વધારીને રૂ.5 લાખ કરી દેવાઈ છે ત્યારે નરેન્દ્ર મોદીને અને તેમના જુસ્સાને જોયો હતો? તેમણે આશરે 20 વખત ટેબલ થપથપાવ્યું અને એ પણ હાથ અને ટેબલ વચ્ચે એટલું અંતર હતું કે હથેળીમાં દર્દ થાય.
એકબાજુ જ્યાં સંસદમાં બજેટ-2019ની જાહેરાત કરાઈ રહી હતી અને વડાપ્રધાન જોસજોસથી ટેબલ થપથપાવી રહ્યાં હતા ત્યાં બીજી બાજુ રાહુલ ગાંધીની બૉડી લેંગ્વેજ એવી દેખાઈ જાણે કે તે ઉદાસ હોય.
[yop_poll id=967]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]