આર્મીની નોકરીમાં દારૂ પીવો ફરજિયાત છે ? આર્મી જવાન કેમ કરે છે દારૂનું સેવન ?

આપણે બધા જાણીએ છીએ કે દારૂ સ્વાસ્થ્ય માટે હાનિકારક છે. વધુ પડતો દારૂ પીવાથી લીવરને નુકસાન થઈ શકે છે. ગુજરાત અને બિહાર જેવા કેટલાક રાજ્યોમાં તો તેના પર પ્રતિબંધ મૂકવામાં આવ્યો છે. પરંતુ, સરકાર સેનાના જવાનોને દારૂ પીવાની છૂટ આપે છે અને તેમના માટે ઓછી કિંમતે દારૂ ઉપલબ્ધ કરાવવામાં આવે છે. ત્યારે આ લેખમાં જાણીશું કે, આર્મી જવાન કેમ દારૂનું સેવન કરે છે અને દારૂ પીવો બધા જવાનો માટે ફરજિયાત છે કે નહીં.

આર્મી જવાન દારૂનું સેવન કેમ કરે છે, તેનું સૌથી મહત્ત્વનું કારણ એ છે કે સેનાના જવાનોની કામગીરી ખૂબ જ મુશ્કેલ હોય છે. આર્મીના જવાનોએ મુશ્કેલ પરિસ્થિતિમાં અને ઠંડા વિસ્તારોમાં તૈનાત રહીને દેશની રક્ષા કરવી પડે છે. આવા વિસ્તારોમાં ઊભા રહેવું અને બીજાઓને રક્ષણ પૂરું પાડવું સહેલું નથી. તેથી દારૂ તેમના શરીરને ગરમ રાખે છે અને મુશ્કેલ પરિસ્થિતિઓમાં પણ ટકી રહેવામાં મદદ કરે છે.

આ સિવાય એક કારણ એ પણ છે કે બ્રિટિશ આર્મીમાં દારૂ પીવાનું કલ્ચર હતું. દરેક અધિકારી અને સૈનિક દ્વારા પીતા હતા. દારૂની માત્રા નક્કી કરવામાં આવતી હતી. આઝાદી પછી આ પરંપરા ભારતીય સેનામાં આવી અને ત્યારથી તેનું પાલન કરવામાં આવે છે. સેનામાં નવી ભરતી થાય ત્યારે અધિકારીઓ જામ ઉઠાવીને તેમનું સ્વાગત કરે છે.

આર્મીની નોકરીમાં દારૂ પીવો ફરજિયાત છે ?

ભારતીય સેનામાં દારૂ પીવો ફરજિયાત નથી. તે સંપૂર્ણપણે વ્યક્તિગત પસંદગી પર આધાર રાખે છે. આ ઉપરાંત કોઈપણ જવાન ફરજ પર હોય ત્યારે દારૂનો નશો કરી શકતો નથી. જો કોઈ જવાન વધુ પડતા દારૂના નશામાં હોવાનું જણાય તો તેની સામે કડક કાર્યવાહી કરવામાં આવે છે અને કેટલાક કિસ્સાઓમાં કોર્ટ માર્શલ પણ કરવામાં આવે છે. જવાનોને મર્યાદિત માત્રામાં દારૂ પીવાની છૂટ આપવામાં આવી છે. જેની નોંધ રાખવા માટે રજીસ્ટ્રાર પણ રાખવામાં આવે છે.