બ્લડ મૂન થી લઈને સૂર્ય ગ્રહણ સુધી.. સપ્ટેમ્બરમાં થવા જઈ રહી છે આ દુર્લભ ખગોળિય ઘટના.. ભારતમાં ક્યાં ક્યા જોવા મળશે- જાણી લો

આ સપ્ટેમ્બર મહિનો ખગોળશાસ્ત્રીઓ અને અવકાશમાં રસ ધરાવતા લોકો માટે ખૂબ જ ખાસ રહેવાનો છે. આ મહિનાની શરૂઆતમાં પૂર્ણ ચંદ્રગ્રહણથી લઈને મહિનાના અંતમાં સૂર્યગ્રહણના દુર્લભ દૃશ્ય સુધી, ઘણું બધું દૃશ્યમાન થશે. પહેલા આપણે 7 સપ્ટેમ્બરે થનારા પૂર્ણ ચંદ્રગ્રહણ વિશે જાણીએ. તે યુરોપ, આફ્રિકા, એશિયા, ઓસ્ટ્રેલિયા અને ન્યુઝીલેન્ડમાં દેખાશે. આ વર્ષ 2025નું બીજું પૂર્ણ ચંદ્રગ્રહણ તેમજ તાજેતરના વર્ષોમાં સૌથી લાંબા ચંદ્રગ્રહણમાંનું એક હશે. ખગોળશાસ્ત્રીઓના મતે, સપ્ટેમ્બર 2025નું પૂર્ણ ચંદ્રગ્રહણ 1 કલાક 22 મિનિટ સુધી ચાલશે.

શું ભારતમાં દેખાશે ચંદ્રગ્રહણ?

7-8 સપ્ટેમ્બર 2025ના રોજ પૂર્ણ ચંદ્રગ્રહણ ભારત, પાકિસ્તાન, બાંગ્લાદેશ તેમજ સાઉદી અરેબિયા, સંયુક્ત આરબ અમીરાત અને અન્ય મધ્ય પૂર્વીય દેશો સહિત એશિયાના મોટાભાગના ભાગોમાં દેખાશે. આ ઉપરાંત, તે આફ્રિકા, ઓસ્ટ્રેલિયા અને યુરોપમાં પણ દેખાશે. જોકે, પૂર્વી દક્ષિણ અમેરિકા અને પશ્ચિમ ઉત્તર અમેરિકામાં ચંદ્રોદય અથવા ચંદ્રાસ્ત સમયે ફક્ત આંશિક ચંદ્રગ્રહણ જ દેખાશે.

દુબઈ એસ્ટ્રોનોમી ગ્રુપના જણાવ્યા અનુસાર, 7 સપ્ટેમ્બરના ચંદ્રગ્રહણને ખાસ બનાવનારી તેની 82 મિનિટની પૂર્ણ ચંદ્રગ્રહણ અવધિ છે. વિશ્વની લગભગ 87 ટકા વસ્તી ગ્રહણનો ઓછામાં ઓછો આંશિક ભાગ જોઈ શકશે. ભારતીય સમય મુજબ, પૂર્ણ ચંદ્રગ્રહણ 7 સપ્ટેમ્બર, રવિવારના રોજ રાત્રે 10.00 વાગ્યે શરૂ થશે અને 8 સપ્ટેમ્બરના રોજ સવારે 1.30 વાગ્યે તેની ટોચ પર પહોંચશે. આ પછી, તે ધીમે ધીમે ઘટશે અને સવારે 3.30 વાગ્યે સમાપ્ત થશે. સપ્ટેમ્બરમાં પૂર્ણ ચંદ્રગ્રહણ ચંદ્રને લાલ રંગના ગોળામાં ફેરવી દેશે. તેથી જ તેને બ્લડ મૂન કહેવામાં આવે છે.

21 સપ્ટેમ્બરના રોજ આંશિક સૂર્યગ્રહણ

આ ઉપરાંત, 21 સપ્ટેમ્બર, 2025 ના રોજ આંશિક સૂર્યગ્રહણ થવા જઈ રહ્યુ છે , જે મુખ્યત્વે દક્ષિણ ગોળાર્ધમાં જોવા મળશે. જે આ વર્ષનું છેલ્લું ગ્રહણ હશે. વર્ષ 2025 નું પહેલું ચંદ્રગ્રહણ 13-14 માર્ચના રોજ થયું હતું, જે પૂર્ણ ચંદ્રગ્રહણ હતું. તે જ સમયે, વર્ષનું પહેલું સૂર્યગ્રહણ 29 માર્ચ, 2025 ના રોજ થયું હતું, જે આંશિક સૂર્યગ્રહણ હતું.

“તારામાં આટલુ ડેરીંગ? હું તારા પર એક્શન લઈશ, મારો ચહેરો તો ખબર છે ને તને…” અજીત પવારે મહિલા DSPને ધમકાવી