દુનિયામાં કેવી રીતે ફેલાયો કોરોના વાઈરસ? જાણવા માટે WHOની ટીમ ચીન જશે

સમગ્ર દુનિયામાં કોરોના વાઈરસના પોઝિટીવ કેસનો આંકડો 1 કરોડ 11 લાખની પાર થઈ ચૂક્યો છે. સાથે જ 5 લાખ 29 હજારથી વધારે લોકોના મોત થઈ ચૂક્યા છે. ત્યારે વિશ્વ સ્વાસ્થ્ય સંગઠનની ટીમ SARS-Cov-2ના સ્ત્રોતની તપાસ માટે આગામી અઠવાડિયે ચીનનો પ્રવાસ કરશે. જેની જાણકારી WHOના ડાયરેક્ટર જનરલ ટેડ્રોસ અધાનોમ ઘેબ્રેયસસે આપી છે.

WHOના ડાયરેક્ટર જનરલે વધુમાં કહ્યું કે જો કોરોના વાઈરસ વિશે સમગ્ર જાણકારી મળી જાય, જેમ કે તેની શરૂઆત ક્યાથી અને કેવી રીતે થઈ તો દુનિયા આ ખતરનાક વાઈરસનો સામનો યોગ્ય રીતે કરી શકે છે. ઉલ્લેખનીય છે કે ચીનના વુહાનથી કોરોના વાઈરસ ફેલાવવાની જાણકારી ડિસેમ્બરમાં સામે આવી.

ચીન પર આરોપ છે કે તેને કોરોનાની બીમારીની જાણકારી સમય પર ના આપી. જેના કારણે આ વાઈરસ 2 મહિનામાં દુનિયાભરમાં ફેલાઈ ગયો. હવે WHOની ટીમે ચીન જવાનો નિર્ણય કર્યો છે. ત્યાં વુહાન મ્યુનિસિપલ હેલ્થ કમીશન પાસે નિમોનિયાના મામલે નિવેદન લેશે. આ તપાસ 6 મહિનાથી વધારે ચાલી શકે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

WHOએ કોરોનાથી ખરાબ રીતે પ્રભાવિત દેશોને આગ્રહ કર્યો છે કે તે જાગે અને વાઈરસના પ્રસારને નિયંત્રિત કરવા માટે કામ કરે. WHOના ઈમરજન્સી ડાયરેક્ટર માઈકલ રયાને કહ્યું કે લોકોને જાગવાની જરૂરિયાત છે. ડેટા ખોટું નથી બોલી રહ્યા.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]