Breaking News: એલ મેન્ચોની મોત બાદ મેક્સિકોમાં અરાજકતા! ફિફા વર્લ્ડ કપના આયોજન પર જોખમ? ફ્લાઈટ્સ રદ અને વર્લ્ડ કપ મેચો ખસેડવાની ચર્ચા

મેક્સિકન ડ્રગ કિંગપિન નેમેસિયો ઓસેગુએરા, જે “એલ મેન્ચો” (El Mencho) તરીકે ઓળખાય છે, તેનું રવિવાર, 22 ફેબ્રુઆરીના રોજ મેક્સિકન પોલીસ સાથેની અથડામણમાં ઘાયલ થયા બાદ મોત થયું હતું. આ અથડામણમાં કાર્ટેલના બીજા 6 સભ્યો પણ માર્યા ગયા હતા.

શું ફિફા (FIFA) 2026 વર્લ્ડ કપ બીજે ખસેડવામાં આવશે?

આ સમાચાર બાદ, વાહનોને સળગાવવામાં આવ્યા હતા અને નકાબપોશ બંદૂકધારીઓએ ઘણા રાજ્યોમાં હાઈવે બ્લોક કરી દીધા હતા. એવામાં આ તણાવપૂર્ણ સ્થિતિ વચ્ચે સવાલ એ છે કે, શું ફિફા (FIFA) 2026 વર્લ્ડ કપના આયોજનને મેક્સિકોથી ક્યાંક બીજે ખસેડવામાં આવશે?

આ વર્ષનો વર્લ્ડ કપ જૂન મહિનામાં શરૂ થઈ રહ્યો છે, જે ડ્રગ તસ્કર વિરુદ્ધ ચાલી રહેલા અભિયાનના થોડા મહિના પહેલાનો સમય છે. આ મેચો અમેરિકા, કેનેડા અને મેક્સિકોમાં યોજાવાની હતી પરંતુ હિંસા ફાટી નીકળ્યા પછી હવે એવા અહેવાલો આવી રહ્યા છે કે, આયોજન સ્થળમાં ફેરફાર થઈ શકે છે.

X પર પોસ્ટ વાયરલ

એક વ્યક્તિએ X પર લખ્યું, “વિશ્વસનીય માહિતી મળી રહી છે કે, આજે મેક્સિકોમાં વધતી અને ફેલાતી ગેંગ હિંસા પછી ‘ફિફા’ આગામી વર્લ્ડ કપની મેક્સિકો સ્થિત મેચોને અમેરિકા અને કેનેડાના બીજા સ્થળોએ ખસેડવા પર વિચાર કરી રહ્યું છે.” આ પોસ્ટને 3,00,000 થી વધુ વખત જોવામાં આવી છે.

ફ્લાઈટ્સ રદ અને સ્થિતિ ગંભીર

એર કેનેડા, યુનાઈટેડ એરલાઈન્સ અને એરોમેક્સિકો જેવી એરલાઈન્સે રવિવારે દરિયાકાંઠાના રિસોર્ટ શહેર પ્યુર્ટો વલ્લાર્ટા માટેની તેમની ફ્લાઈટ્સ રદ કરી દીધી હતી. આ પહેલા, પ્રવાસીઓએ આગમાંથી નીકળતા ધુમાડાના ગોટાના વીડિયો બનાવ્યા હતા, કારણ કે એલ મેન્ચોના સમર્થકોએ તેની હત્યાના વિરોધમાં પ્રદર્શન કર્યું હતું.

આ પણ વાંચો: “ભારતનું કંઈ નહીં બગડે…” ટ્રમ્પના 15% ટેરિફ બોંબ પર એક્સપર્ટે સમજાવ્યુ ગણિત