ગુરુવારે સવારે રશિયાએ અચાનક યુક્રેન પર હુમલો (Russia Attacks Ukraine) કરવાનું શરૂ કર્યું, જેના કારણે સમગ્ર વિશ્વમાં તેની ટીકા થઈ રહી છે. આ પછી તમામ દેશોએ રશિયા પર પ્રતિબંધો લગાવવાનું શરૂ કર્યું અને યુક્રેન પર હુમલાની નિંદા કરી. પરંતુ આ દરમિયાન પાકિસ્તાનના વડાપ્રધાન ઈમરાન ખાન રશિયાના પ્રવાસે આવ્યા હતા. આ દરમિયાન તેણે એમ પણ કહ્યું કે તે અહીં ‘મજેદાર સમયે’ આવ્યો છુ. ચારેતરફ ટીકા બાદ હવે ઈમરાન ખાનનો વધુ એક વીડિયો સામે આવ્યો છે. જેમાં તેણે રશિયાની મુલાકાતનું કારણ જણાવ્યું છે.
સોમવારે વીડિયોમાં ઈમરાને સ્પષ્ટતા કરી હતી કે તે યુદ્ધ દરમિયાન પોતાના દેશ માટે 2 મિલિયન ટન ઘઉં અને ગેસ લેવા રશિયા ગયો હતો. આ મુલાકાત દરમિયાન એટલે કે ગયા અઠવાડિયે બંને દેશો વચ્ચે દ્વિપક્ષીય કરારો પર હસ્તાક્ષર થયા હતા. આ વીડિયોમાં ઈમરાન ખાન કહે છે, ‘અમે શા માટે રશિયા ગયા, અમે ગયા કારણ કે અમારે રશિયાથી 20 લાખ ટન ઘઉંની આયાત કરવાની હતી.’
તેમણે આગળ કહ્યું, ‘બીજી વાત, રશિયા એક એવો દેશ છે જેની પાસે વિશ્વનો 30 ટકા ગેસ છે, પાકિસ્તાનનો ગેસ ઘટી રહ્યો છે, અમે તેમની સાથે વાત કરી છે, જેથી અમે તેમની પાસેથી ગેસ આયાત કરી શકીએ.’ ઈમરાન તેમની બે દિવસીય મુલાકાત દરમિયાન ગુરુવારે ક્રેમલિનમાં રાષ્ટ્રપતિ વ્લાદિમીર પુતિનને મળ્યા હતા. તે પણ ત્યારે જ્યારે રશિયન સેનાએ યુક્રેન પર હુમલો કર્યો હતો. તમામ પશ્ચિમી દેશોની નજર રશિયા પર હતી અને તેઓ રશિયા સામે એક થયા હતા.
ઈમરાન ખાને તેમની મુલાકાતની ટીકા કરતા લોકોને કહ્યું કે તેઓ પાકિસ્તાનના આર્થિક હિત માટે રશિયા ગયા. આ મુલાકાત અંગે ઇમરાને કહ્યું કે, તેમણે પુતિન સાથે કેટલાક મુદ્દાઓ પર ચર્ચા કરી છે. બંને નેતાઓ વચ્ચે ત્રણ કલાક સુધી બેઠક ચાલી હતી. પરંતુ વધુ માહિતી શેર કરવામાં આવી ન હતી. ઈમરાન ખાનની સાથે પાકિસ્તાનના અન્ય અધિકારીઓ પણ રશિયા આવ્યા હતા. તેણે આ પ્રવાસનો બચાવ કરતા કહ્યું હતું કે તેનો સમય ઘણા સમય પહેલા નક્કી કરવામાં આવ્યો હતો અને તેનો હેતુ માત્ર ઉર્જા સહકાર સહિત દ્વિપક્ષીય વેપાર સંબંધોની સમીક્ષા કરવાનો હતો.
આ પણ વાંચો – Russia Ukraine War: રશિયાએ યુક્રેનના મિલિટરી બેઝ પર કર્યો મોટો હુમલો, ગોળીબારમાં 70થી વધુ સૈનિકો માર્યા ગયા
આ પણ વાંચો – Russia-Ukraine War: યુદ્ધનાં માહોલ વચ્ચે ભારતીય વિધાર્થીનીના જન્મદિવસની ઉજવણી, Video થયો વાયરલ