અમેરિકાના રાષ્ટ્રપતિની સુરક્ષામાં ક્ષતિ, ડેલાવેરમાં તેમના ઘર ઉપરથી અજાણ્યું વિમાન ઉડ્યું, જો બાઈડનને સલામત સ્થળે ખસેડાયા
યુએસ સિક્રેટ સર્વિસના પ્રવક્તા એન્થોની ગુગલીએલ્મીએ આ કેસમાં કહ્યું, 'પાઈલટ યોગ્ય રેડિયો ચેનલ પર ન હતો. પાયલોટે ફ્લાઇટના માર્ગદર્શનનું પણ પાલન કર્યું ન હતું. એરક્રાફ્ટને તરત જ પ્રતિબંધિત એરસ્પેસમાંથી બહાર કાઢવામાં આવ્યું હતું.
ડેલવેરમાં યુએસ પ્રમુખ જો બાઈડનના (Joe Biden) ઘરની નજીક શનિવારે એક નાનું વિમાન આકસ્મિક રીતે પ્રતિબંધિત હવાઈ ક્ષેત્રમાં પ્રવેશ્યું હતું, જેના કારણે બાઈડેન અને તેમની પત્નીને અસ્થાયી રૂપે બહાર કાઢવાની ફરજ પડી હતી. વ્હાઇટ હાઉસ (White House) અને ઇન્ટેલિજન્સ સર્વિસે આ જાણકારી આપી છે. વ્હાઇટ હાઉસે જણાવ્યું હતું કે બાઈડેન અને તેમના પરિવારને કોઈ ખતરો નથી અને સાવચેતીના પગલાં લેવામાં આવ્યા છે. પરિસ્થિતિના મૂલ્યાંકન પછી, બાઈડન અને તેમની પત્ની જીલને રેહોબોથ બીચ (Rehoboth Beach, Delaware) પર તેમના ઘરે પાછા મોકલવામાં આવ્યા હતા.
અમેરિકાની ગુપ્તચર સેવાએ એક નિવેદનમાં જણાવ્યું હતું કે પ્લેનને તરત જ પ્રતિબંધિત એરસ્પેસમાંથી બહાર લઈ જવામાં આવ્યું હતું. યુએસ સિક્રેટ સર્વિસના પ્રવક્તા એન્થોની ગુગલીએલ્મીએ આ કેસમાં કહ્યું, ‘પાઈલટ યોગ્ય રેડિયો ચેનલ પર ન હતો. પાયલોટે ફ્લાઇટના માર્ગદર્શનનું પણ પાલન કર્યું ન હતું. એરક્રાફ્ટને તરત જ પ્રતિબંધિત એરસ્પેસમાંથી બહાર કાઢવામાં આવ્યું હતું.
US Prez Biden was rushed to a safe house in Rehoboth Beach, Delaware when a plane violated the airspace above vacation home he owns in the small seaside town: White House
Precautionary measures were taken. There was no threat to the President or his family: WH pic.twitter.com/Ty9PWkt1QF
— ANI (@ANI) June 4, 2022
જો બાઈડનની સુરક્ષામાં ખામી
તમને જણાવી દઈએ કે પ્રતિબંધિત એરસ્પેસમાં એરક્રાફ્ટનો પ્રવેશ ખરેખર અમેરિકાના રાષ્ટ્રપતિ માટે ચિંતાનો વિષય છે. બાઈડન અને તેના પરિવારને કદાચ સહન ન થયું હોય, પરંતુ સુરક્ષાની દ્રષ્ટિએ આ એક મોટી ખામી હતી. તેવી જ રીતે, આ દિવસોમાં અમેરિકામાં બધું સારું નથી ચાલી રહ્યું. સુપરપાવર દેશોના જુદા જુદા ભાગોમાંથી ગોળીબારની ઘટનાઓના અહેવાલો છે. રાષ્ટ્રપતિ જો બાઈડને ગત ગુરુવારે રાત્રે રાષ્ટ્રને પોતાના સંબોધનમાં સંસદને બંદૂક નિયંત્રણ તરફ અસરકારક પગલાં લેવા વિનંતી કરી. તેમણે સાંસદોને દેશમાં સામસામે ગોળીબારની ઘટનાઓને પગલે હથિયારોના વેચાણ પર મર્યાદા લાદવા અંગે વિચારણા કરવા જણાવ્યું હતું.
વ્હાઇટ હાઉસ ખાતેના તેમના સંબોધનમાં, બાઈડને અગાઉના હુમલાઓ પછી આવા પ્રયાસોની નિષ્ફળતાને પગલે કોંગ્રેસ પર કડક બંદૂક કાયદા ઘડવા દબાણ કરવાનો પ્રયાસ કર્યો હતો. તેમણે કહ્યું, ‘આપણે કેટલા વધુ હત્યાકાંડ જોવા માંગીએ છીએ ?’ અત્રે ઉલ્લેખનીય છે કે ગયા અઠવાડિયે 18 વર્ષીય હુમલાખોરે ટેક્સાસના ઉવાલ્ડેમાં એક પ્રાથમિક શાળામાં 19 વિદ્યાર્થીઓ અને બે શિક્ષકોને ગોળી મારી દીધી હતી. જ્યારે બુધવારે ઓક્લાહોમાના તુલસામાં એક બંદૂકધારીએ હોસ્પિટલમાં ચાર લોકોની હત્યા કરી પોતાને ગોળી મારીને દીધી હતી.