“ટેરિફના બહાને ટ્રમ્પ સિઝફાયરની ક્રેડિટ ન મળવાનુ ખુન્નસ બતાવી રહ્યા છે”- ભારતના સમર્થનમાં આવ્યા માઈકલ કુગલમેન
સાઉથ એશિયા ઈન્સ્ટીટ્યુટના ડાયરેક્ટર માઈકલ કુગલમેને (Michael Kugelman) ભારત પર ટ્રમ્પના વારને લઈને ભારતનું સમર્થન કર્યુ છે. કુગલમેને કહ્યુ કે દુર્ભાગ્યથી છેલ્લા કેટલાક સમયથી બંને દેશોના સંબંધો જે રીતે ખરાબ ચાલી રહ્યા છે. તેને જોતા ટ્રમ્પનો આ નિર્ણય જરા પણ શોકિંગ નથી.
કુગેલમેને કહ્યું કે કમનસીબે, જે રીતે બંને દેશો વચ્ચેના સંબંધો છેલ્લા કેટલાક સમયથી ખરાબ તબક્કામાંથી પસાર થઈ રહ્યા છે, ટ્રમ્પનો આ તાજેતરનો નિર્ણય આશ્ચર્યજનક નથી. આ નિર્ણયની હાનિકારક અસર હોવા છતાં… મને એ વાત બહુ આશ્ચર્યજનક નથી લાગતી કે રાષ્ટ્રપતિએ આખરે પોતાની ધમકી પૂરી કરવાનો નિર્ણય લીધો.
અમેરિકાના રાષ્ટ્રપતિ ડોનાલ્ડ ટ્રમ્પે બુધવારે ભારતને વધુ એક આંચકો આપતા વધારાનa 25% ટેરિફની લગાવવાની જાહેરાત કરી છે. રશિયા પાસેથી સસ્તા ભાવે ક્રૂડ ઓઇલની સતત ખરીદીથી ગુસ્સે થયેલા ટ્રમ્પે ભારત પર વધારાના ટેરિફ લાદ્યા છે. વિશ્લેષકો ટ્રમ્પના આ પગલાને તેના ખુન્નસ તરીકે જોઈ રહ્યા છે.
સાઉથ એશિયા ઈન્સ્ટીટ્યુટના ડિરેક્ટર માઈકલ કુગેલમેને ભારત અને અમેરિકા વચ્ચેના સ્ટ્રેટેજિક સંબંધોને છેલ્લા બે દાયકાના સૌથી ખરાબ સંકટ ગણાવ્યું. તેમણે કહ્યું કે મને લાગે છે કે બંને દેશોની ભાગીદારીનો આ સૌથી ખરાબ તબક્કો છે. બંને વચ્ચેના સંબંધોને તેઓ ધરાતલ સુધી પહોંચાડી શકે છે.
કુગેલમેને કહ્યું કે કમનસીબે, જે રીતે બંને દેશો વચ્ચેના સંબંધો છેલ્લા કેટલાક સમયથી ખરાબ તબક્કામાંથી પસાર થઈ રહ્યા છે, ટ્રમ્પનો આ તાજેતરનો નિર્ણય આશ્ચર્યજનક નથી. આ નિર્ણયની નુકસાનકારક અસર હોવા છતાં… મને એ વાત બહુ આશ્ચર્યજનક નથી લાગતી કે રાષ્ટ્રપતિએ આખરે પોતાની ધમકીનો અમલ કરવાનો નિર્ણય લીધો.
રાષ્ટ્રપતિ ટ્રમ્પ ભારત જેવા તેમના નજીકના ભાગીદાર પર મહત્તમ દબાણ લાવવામાં અચકાતા નથી. ટ્રમ્પ ઇચ્છે છે કે ભારત કોઈપણ રીતે રશિયા પાસેથી ક્રૂડ ઓઇલની ખરીદી ઘટાડે. તેના કારણે રશિયાને યુક્રેન સામેના યુદ્ધમાં મદદ મળી રહી છે. જોકે, તેમણે કહ્યું કે અમેરિકા અને ભારત વચ્ચેના સંબંધો બહુપક્ષીય છે અને બંને દેશો એકબીજાને વિવિધ ક્ષેત્રોમાં સહકાર આપી રહ્યા છે. આવી સ્થિતિમાં, સંબંધોમાં ઉતાર-ચઢાવ વાજબી છે.
જ્યારે તેમને પૂછવામાં આવ્યું કે રાષ્ટ્રપતિ ટ્રમ્પે રશિયા પાસેથી સતત ક્રૂડ ઓઇલ ખરીદવા બદલ ચીનને નહીં પણ ભારતને સજા આપવાનું કેમ નક્કી કર્યું? આના જવાબમાં કુગેલમેને કહ્યું કે ભારતે જે કર્યું તે ચીને નથી કર્યુ. ચીને યુદ્ધવિરામ લાવવામાં રાષ્ટ્રપતિ ટ્રમ્પની ભૂમિકા પર સવાલ નથી ઉઠાવ્યા પરંતુ ભારતે ઉઠાવ્યા છે. આથી, મને લાગે છે કે ટ્રમ્પે ટ્રેડની આડમાં ભારત પર પોતાનું ખુન્નસ બહાર કાઢી રહ્યા છે. જોકે, આ ટ્રમ્પના બેવડા માપદંડ છે. પાખંડ છે અને તેનુ દોગલાપન છે.
શું ભારતની જેમ ચીન પર પણ ટેરિફ લાદવામાં આવશે?
ભારત સરકારે ટ્રમ્પ દ્વારા 50 ટકા ટેરિફ લાદવા સામે ખુલ્લેઆમ વાંધો ઉઠાવ્યો છે. આવી સ્થિતિમાં, જ્યારે પત્રકારોએ ટ્રમ્પને પૂછ્યું કે શું ચીન પર પણ વધારાનો ટેરિફ લાદવામાં આવશે? ટ્રમ્પે જવાબ આપ્યો કે “હા શક્ય છે.”
આ પણ વાંચો:
