Breaking News: બદલાની આગમાં સળગતું ઈરાન અને ડોનાલ્ડ ટ્રમ્પના આકરા તેવર, શું દુનિયા વિનાશના આરે ?
મધ્ય-પૂર્વમાં સ્થિતિ અત્યંત ગંભીર બની રહી છે. ઈરાનના સર્વોચ્ચ નેતા ખામીનેઈના અવસાન બાદ બદલાની આગમાં સળગતા ઈરાને અમેરિકાને અત્યાર સુધીની સૌથી મોટી અને ભયાનક ધમકી આપી છે.
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે (Donald J. Trump) ટ્રુથ સોશિયલ પર એક કડક સંદેશ બહાર પાડ્યો છે. આ મેસજથી ટ્રમ્પે ઈરાનને ચેતવણી આપી છે. ટ્રમ્પે લખ્યું છે કે, “ઈરાન આજે ખૂબ જ જોરદાર હુમલો કરી શકે છે, જે પહેલા કરતા પણ વધુ કડક હશે પરંતુ તેઓ એવું ન કરે, કારણ કે જો તેઓ આવું કરશે તો અમે એવો જવાબ આપીશું કે જે પહેલા ક્યારેય જોયો નહીં હોય.”
ટ્રમ્પના આ નિવેદન બાદ આંતરરાષ્ટ્રીય સ્તરે હલચલ તેજ થઈ ગઈ છે. તેમણે પોતાની પોસ્ટમાં સ્પષ્ટ શબ્દોમાં કહ્યું કે, અમેરિકા કોઈપણ સંભવિત હુમલાનો “અભૂતપૂર્વ” જવાબ આપશે. આ ટિપ્પણી એવા સમયે આવી છે, જ્યારે મધ્ય-પૂર્વમાં તણાવ પહેલેથી જ વધેલો છે અને ઈરાન-અમેરિકાના સંબંધોમાં કડવાશ જોવા મળી રહી છે.
રાષ્ટ્રીય સુરક્ષાનો મુદ્દો ફરી એકવાર ચર્ચામાં
એનાલિસ્ટ્સનું (વિશ્લેષકોનું) માનવું છે કે, ટ્રમ્પનું આ નિવેદન ઘરેલું રાજનીતિ અને ગ્લોબલ વ્યૂહરચના બંને દૃષ્ટિએ મહત્વપૂર્ણ છે. અમેરિકામાં ચૂંટણીના માહોલ વચ્ચે રાષ્ટ્રીય સુરક્ષાનો મુદ્દો ફરી એકવાર ચર્ચામાં આવી શકે છે. બીજી તરફ, મધ્ય-પૂર્વમાં કોઈપણ સૈન્ય પ્રતિક્રિયાની આશંકાથી રાજદ્વારી (Diplomatic) વર્તુળોમાં ચિંતા વધી ગઈ છે.
ઈરાન તરફથી કોઈ સત્તાવાર પ્રતિક્રિયા કે નહીં?
જો કે, ઈરાન તરફથી આ નિવેદન પર તાત્કાલિક કોઈ સત્તાવાર પ્રતિક્રિયા આવી નથી. પ્રાદેશિક સુરક્ષા નિષ્ણાતોનું કહેવું છે કે, આવા જાહેરમાં આપવામાં આવતા ચેતવણી સંદેશાઓ અવારનવાર વ્યૂહાત્મક દબાણ બનાવવા માટે પણ આપવામાં આવતા હોય છે. ટ્રમ્પનું આ નિવેદન ટ્રુથ સોશિયલ પર ઝડપથી વાયરલ થયું છે, જ્યાં તેને હજારો ‘રીટ્રુથ’ (Re-Truth) અને લાઈક્સ મળી છે. હવે સૌની નજર એ વાત પર છે કે, શું આ વિસ્તારમાં તણાવ વધુ વધશે કે પછી રાજદ્વારી સ્તરે કોઈ પહેલ થશે?
