શું છે ‘ડ્રીમ અમેરિકા’? જેના માટે જીવનું જોખમ ખેડવા તૈયાર થઈ જાય છે ભારતીયો… US માં કઈ હાલતમાં રહે છે આ લોકો ?
અમેરિકામાં રહેતા ભારતીયોની વાત કરીએ તો બે તસવીર સામે આવશે. એક ઝાકમઝોળ વાળી તસવીર. જેમા ભારતીયોનું નામ સૌથી વધુ ભણેલા-ગણેલા ઈમિગ્રન્ટ્સમાં આવે છે. તેમની કમાણી પણ આમ અમેરિકન કરતા બમણી છે. તો સિક્કાની બીજી બાજુમાં એ ભારતીયો પણ છે, જેઓ ચોરી, છુપીથી US પહોંચે છે. ન તેમની પાસે દસ્તાવેજ છે કે ના તો સન્માનભેર જીવી શકે એવી જિંદગી. વર્તમાનમાં અમરેકિાના નવનિયુક્ત રાષ્ટ્રપતિ ડોનાલ્ડ ટ્રમ્પે તેમને બહારનો રસ્તો બતાવવાનું શરૂ કર્યુ છે.
મેક્સિકો અને અલ સાલ્વાડોર પછી અમેરિકામાં સૌથી વધુ ભારતીયો ગેરકાયદે રીતે રહે છે. વર્ષ 2019 થી 2022 સુધીનો ડેટા આપતા પ્યુ રિસર્ચ સેન્ટરે જણાવ્યું કે દેશમાં લગભગ 7.25 લાખ ભારતીયો દસ્તાવેજ વિના રહી રહ્યા છે. તેઓ ખૂબ જ મુશ્કેલ પરિસ્થિતિમાં જીવે છે અને અડધા વેતન પર કામ કરે છે જેથી તેઓ રોજ ડ્રીમ અમેરિકાનું સપનું જીવી શકે. જો કે હવે નવા રાષ્ટ્રપતિ ડોનાલ્ડ ટ્રમ્પે ઘૂસણખોરોને બહારનો રસ્તો બતાવવાની ઝુંબેશ આદરી છે જે અંતર્ગત તેમને તેમના દેશમાં ડિપોર્ટ કરશે. અમેરિકામાં ગેરકાયદે રહેતા ભારતીયોની સંખ્યા અંદાજે 7,25,000 છે. આ એવા લોકો છે જેઓ કેટલાય વર્ષોથી ત્યાં રહે છે જેથી એક દિવસ તેમને નાગરિક્તા મળી શકે અથવા તેમના બાળકો અમેરિકન બની શકે. આ પહેલા પણ ઘણા અમેરિકન નેતાઓ ઘૂસણખોરી વિરુદ્ધ અવાજ ઉઠાવતા રહ્યા છે. પરંતુ ડિપોર્ટેશન નો(દેશનિકાલનો) ખતરો અત્યાર જેટલો પહેલા ક્યારેય જોવા નથી મળ્યો. ટ્રમ્પ પ્રશાસને સત્તામાં આવતાની સાથે જ ડબલ ગણિત ગણવાનું શરૂ કર્યુ છે. ગેરકાયદે રહેતા ઘૂસણખોરોમાં અનેક ભારતીયો પણ સામેલ છે....
Published On - 6:05 pm, Tue, 4 February 25
