spelling bee competition: ભારતીયો (Indians) જ્યાં જાય ત્યાં પોતાની એક છાપ છોડે છે.આવુ જ કંઇ સ્પેલિંગ બી સ્પર્ધામાં (spelling bee competition) થયુ છે. અમેરિકામાં 1925થી સ્ક્રિપ્સ નેશનલ સ્પેલિંગ બી સ્પર્ધા યોજાય છે. પરંતુ કોરોના મહામારીના કારણે ગયા વર્ષે આ સ્પર્ધા યોજાઇ નહોતી. પરંતુ આ સ્પર્ધાની સૌથી રસપ્રદ વાત એ છે કે છેલ્લા 20 વર્ષમાં આ સ્પર્ધામાં ભારતીય મૂળના બાળકોનું વર્ચસ્વ રહ્યુ છે.
ઉલ્લેખનીય છે કે દર વર્ષે સવા કરોડ બાળકો આ સ્પર્ધામાં ભાગ લે છે. અમેરિકામાં સ્કૂલ જતા બાળકોમાં ભારતીય મૂળના લોકોની સંખ્યા એક ટકાથી પણ ઓછી છે. તેમ છતાં 8 જુલાઇએ યોજાનારી ફાઇનલમાં 11માંથી 9 બાળકો ભારતીય મૂળના છે.
ભારતીય મૂળના લોકોના સારા પ્રદર્શન પાછળ આ પરિબળો કરે છે કામ
એક્સપર્ટ પ્રમાણે ભારતીય મૂળના લોકોના સારા પ્રદર્શન માત્ર 5,00,000 શબ્દો યાદ કરવા પૂરતુ નથી તેમની સાર યાદશક્તિ ,કોચિંગ ,ખેલ ભાવના,સ્પર્ધા પ્રત્યે ગર્વનો ભાવ એટલુ જ મહત્વ ધરાવે છે. એક્સપર્ટનુ કહેવુ છે કે સ્પેલિંગ બી,ગણિત અને વિજ્ઞાનની સ્પર્ધાઓમાં ભારતીય મૂળના બાળકો સારુ પ્રદર્શન કરતા રહે છે.
નેશનલ સ્પેલિંગ બીમાં ભારતવંશી બાળકોની જીતથી આ સ્પર્ધાનો ક્રેઝ વધી ગયો છે. ભારતીય સમાજમાં એકડેમિક ઉપલબ્ધિઓને ઘણુ સન્માન આપવામાં આવે છે. સાથે જ સારી યાદશક્તિ અને ઉચ્ચ સ્તરની જાણકારી રાખવી એક પ્રતિષ્ઠાની વાત હોય છે.
1985માં બાલૂ નટરાજન બન્યા હતા વિજેતા
1985માં બાલૂ નટરાજન પહેલા ભારતવંશી હતા જેમણે આ સ્પર્ધા જીતી હતી .તેઓ કહે છે જ્યારે હું વિજેતા બન્યો ત્યારે સ્પર્ધાને લઇને એટલુ કંઇ વિચાર્યુ નહોતુ. આજની પેઢી એક પગલુ આગળ આવીને મહેનત કરી રહી છે. આ વર્ષની સૌથી નાની ઉંમરની સેમી ફાઇનલિસ્ટ 10 વર્ષની તારિણી નંદકુમાર છે તેમણે હિંમત હારી નહિ. કહ્યુ આવતી વખતે હું વધારે મહેનત કરીશ વિજેતા બનીશ જેથી મારા ભાઇ જે કેટલાક વર્ષો પહેલા સ્પર્ધામાં 19માં રેંક પર હતા તેમનુ સ્વપ્ન પૂર્ણ કરી શકુ.
ફાઇનાલિસ્ટ આશ્રિતા 3 કોચ સાથે કરે છે પ્રેક્ટિસ
27 જૂને 11 ફાઇનાલિસ્ટમાં પોતાની જગ્યા બનાવનારી ભારતીય મૂળની 14 વર્ષની આશ્રિતા ગાંધારી કહે છે કે આ સ્પેલર્સ અને સ્પેલર્સનો મુકાબલો નથી. પરંતુ સ્પેલર્સ અને ડિક્શનરીનો મુકાબલો છે. આ માટે હું ત્રણ કોચની સાથે રોજ 10 કલાકની પ્રેક્ટિસ કરી રહી છું.