ફિલિપાઇન્સના લુઝોનના મુખ્ય દ્વીપના દક્ષિણી ભાગમાં આ વર્ષનો સૌથી તાકાતવર વાવાઝોડું ગોનીએ તબાહી મચાવી દીધી. આ વાવાઝોડાંથી લગભગ ચારના મોત થયા છે. પરંતુ સમગ્ર શહેરમાં તબાહી જ તબાહી જોવા મળી રહી છે. એટલું જ નહિં જોરદાર હવા ફૂંકાવાની સાથે ભૂસ્ખલનની પણ ઘટનાઓ સામે આવી છે. અનેક ઘર હવામાં ઉડી ગયા છે. તો રસ્તાઓ પર જાણે સમુદ્ર જેવી સ્થિતિ ઉભી થઇ છે. સ્થાનિક તંત્રએ 10 લાખ લોકોનું સ્થળાંતર કરીને તેમને સુરક્ષિત સ્થળે ખસેડ્યા છે.
દરિયામાંથી ઉછળતા મોજા હજુ પણ લોકોને ચિંતામાં મુકી દીધી છે. ફિલિપાઇન્સની સ્થિતિ એટલી ખરાબ છે કે, જનજીવન અસ્તવ્યસ્ત થઇ ગયું છે. લોકોને ભોજન પણ નથી મળી રહ્યું. બચાવ કર્મીઓને તૈનાત કરાયા છે. પરંતુ હાલની પરિસ્થિતિના કારણે બચાવ કામગીરીમાં પણ ભારે હાલાકી થઇ રહી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો