Chinaની આડાઈમાં વધુ એક કારનામું, વાંદરાઓના નિકાસ પર મૂક્યો પ્રતિબંધ, અન્ય દેશોની વેક્સીન ટ્રાયલ પર અસર

સમગ્ર વિશ્વ વેક્સિનની રાહ જોઇ રહી છે અને વૈજ્ઞાનિકો ઝડપથી વેક્સિન બનાવવા માટે મહેનત કરી રહ્યા છે પરંતુ હવે તેમની સામે એક નવી સમસ્યા ઉભી થઇ ગઇ છે. રિસર્ચ કરવા માટે વૈજ્ઞાનિકોને વાંદરાઓ નથી મળી રહ્યા અને તેની પાછળ પણ ચીનનો હાથ છે. મળતી માહિતી અનુસાર રોકવિલે સ્થિત બાયોક્વૉઝના સીઇઓ માર્ક લુઇસ છેલ્લા કેટલાક સમયથી વાંદરાઓની શોધમાં છે. તેમના પર ઘણી બધી દવા બનાવતી કંપનીઓને રિસર્ચ માટે વાંદરાઓ ઉપલબ્ધ કરાવવાની જવાબદારી છે.

તમને જણાવી દઇએ કે દવાની કંપનીઓ અને વૈજ્ઞાનિકો કોઇ પણ દવા બનાવતા પહેલા પ્રાણીઓ પર રિસર્ચ કરે છે તે દવાનો અસર પ્રાણી પર કઇ રીતનો પડે છે તે ચકાસ્યા બાદ જ તેનો ઉપયોગ માણસ પર કરવામાં આવે છે. આવા પ્રાણીઓમાં સૌથી વધુ વાંદરા અને ઉંદરો પર રિસર્ચ કરવામાં આવે છે. રિસર્ચ માટે મોટે ભાગના પ્રાણીઓ ચીનથી આયાત કરવામાં આવતા હોય છે. ચીને હાલમાં જંગલી જાનવરોના વેચાણ પર બેન મૂકી દીધો છે. એક રિપોર્ટ પ્રમાણે 2019માં અમેરિકાએ 60 ટકા વાંદરાઓ ચીન પાસેથી જ ખરીદ્યા હતા. બાદમાં આ પ્રાણીઓનો ઉપયોગ સૈન્ય પ્રશિક્ષણ માટે થતો હોવાની વાત સામે આવતા નિકાસ રોકી દેવામાં આવી છે. તેવામાં હવે વાંદરાઓની અછતને કારણે રિસર્ચ રોકાઇ ગયુ છે અને વેક્સિનના ઉત્પાદનને અસર પડી છે.