TikTokની વધી મુશ્કેલી, અમેરિકા બાદ હવે આ મુસ્લિમ દેશમાં પ્રતિબંધની ઉઠી માંગ
ભારતની સાથે ઓસ્ટ્રેલિયા, બેલ્જિયમ, કેનેડા, ફ્રાન્સ, ન્યુઝીલેન્ડ, અફઘાનિસ્તાન અને યુરોપિયન યુનિયન પહેલાથી જ TikTok પર પ્રતિબંધ લગાવી ચુક્યા છે. હવે આ યાદીમાં ઈરાક પણ સામેલ થવા જઈ રહ્યું છે. ઈરાકના કોમ્યુનિકેશન મિનિસ્ટરે સરકારને દેશમાં ચીની કંપનીની એપ TikTok પર પ્રતિબંધ મૂકવાની અપીલ કરી છે.
ક્યારેક સામાજીક કારણોસર તો ક્યારેક સુરક્ષાના કારણે TikTok પર દરરોજ સવાલો ઉભા થતા રહે છે. ઘણા દેશોએ TikTok એપ પર પ્રતિબંધ લગાવી દીધો છે. અમેરિકામાં પણ પ્રતિબંધની તૈયારીઓ ચાલી રહી છે, આ દરમિયાન ઈરાકમાંથી પણ એવો અવાજ ઉઠ્યો છે કે ટિકટોક પર પ્રતિબંધ મૂકવો જોઈએ.
ભારતની સાથે ઓસ્ટ્રેલિયા, બેલ્જિયમ, કેનેડા, ફ્રાન્સ, ન્યુઝીલેન્ડ, અફઘાનિસ્તાન અને યુરોપિયન યુનિયન પહેલાથી જ TikTok પર પ્રતિબંધ લગાવી ચુક્યા છે. હવે આ યાદીમાં ઈરાક પણ સામેલ થવા જઈ રહ્યું છે. ઈરાકના કોમ્યુનિકેશન મિનિસ્ટરે સરકારને દેશમાં ચીની કંપનીની એપ TikTok પર પ્રતિબંધ મૂકવાની અપીલ કરી છે. તેની પાછળનું કારણ તેમણે સમાજ પર TikTokની નકારાત્મક અસર ગણાવી છે.
મંત્રી અલ-યાસિરી દ્વારા પ્રેસ કોન્ફરન્સમાં વ્યક્ત કરવામાં આવેલી ચિંતા બાદ આ મુદ્દાએ દેશભરમાં ચર્ચા જગાવી છે. મંત્રીએ મીડિયાને કહ્યું, કે મેં ટિકટોકને બ્લોક કરવા માટે મંત્રી પરિષદને પત્ર સુપરત કર્યો છે અને મને આશા છે કે તેના પર ટૂંક સમયમાં વિચાર કરવામાં આવશે. પોતાની માંગને યોગ્ય ઠેરવતા તેમણે ઈરાકના સામાજિક તાણને નષ્ટ કરવામાં TikTokની ભૂમિકાનો દાવો કર્યો છે. આ ઉપરાંત એપમાં શિક્ષણ મૂલ્યોનો અભાવ હોવાનું કહેવાય છે અને તે સંપૂર્ણપણે મનોરંજન કેન્દ્રિત છે.
Plans by the Iraqi government to ban #TikTok have sparked nationwide controversy.
“We are a democratic country and this affects the freedom of expression,” says a lawyer who has 96K followers on TikTok.
Another disagrees: “I applaud such a move”. #Iraqhttps://t.co/wFPwtNX0UJ
— Sinan S. Mahmoud (@sinansm) March 26, 2024
ધાર્મિક સંગઠનોએ અગાઉ પણ વિરોધ કર્યો છે
ઈરાકમાં TikTok પર પ્રતિબંધ મૂકવામાં આવશે કે નહીં તે કહેવું ખૂબ જ વહેલું છે. પરંતુ આના પર પ્રતિબંધની માંગ અગાઉ પણ ઉઠી છે. ઈરાકમાં ધાર્મિક સંગઠનો TikTok પર દેશની સંસ્કૃતિ અને ધર્મને નુકસાન પહોંચાડવાનો આરોપ લગાવી રહ્યાં છે. તમને જણાવી દઈએ કે ઈરાકના યુવાનોનો મોટો વર્ગ TikTok સાથે જોડાયેલ છે, ઈરાકમાં લગભગ 32 મિલિયન TikTok યુઝર્સ છે. અલ-યાસિરીની આ માંગ પ્રખ્યાત ઇરાકી ટિકટોકર્સ હુસૈન અને તેની પત્ની શાહિદા પર તાજેતરમાં થયેલા હુમલા બાદ આવી છે. તમને જણાવી દઈએ કે હાલમાં જ કામ પરથી પરત ફરતી વખતે કપલને ગોળી વાગી હતી, જેમાં હુસૈન બચી ગયો હતો પરંતુ શાહિદાએ એક આંખ ગુમાવી દીધી હતી.
પ્રતિબંધથી નુકસાન થશે
કેટલાક લોકોએ એપ પર પ્રતિબંધ અને અભિવ્યક્તિની સ્વતંત્રતાની આર્થિક અસર અંગે પણ ચિંતા વ્યક્ત કરી છે. પ્રતિબંધનો વિરોધ કરનારાઓ માને છે કે કોઈપણ પ્રતિબંધ ઇરાકના એડવર્ટાઇઝિંગ માર્કેટને ખાસ કરીને નાના ઉદ્યોગોને નુકસાન પહોંચાડે તેવી શક્યતા છે. કારણ કે ઘણા લોકો TikTok દ્વારા તેમના નાના બિઝનેસનું માર્કેટિંગ કરી રહ્યા છે.