ઈરાનનો અમેરિકાને ઘરમાં ઘૂસીને પડકાર: 4,000 કિમી દૂર ‘ડિએગો ગાર્સિયા’ બેઝ પર રહસ્યમય મિસાઈલનો પ્રહાર; પશ્ચિમી દેશોમાં ભારે ફફડાટ!

અમેરિકી રાષ્ટ્રપતિ ડોનાલ્ડ ટ્રમ્પના દાવાઓને ઠેબે ઉડાવતા ઈરાને હિંદ મહાસાગરમાં અમેરિકાના સૌથી મહત્વના સૈન્ય અડ્ડા ‘ડિએગો ગાર્સિયા’ પર હુમલો કરીને પોતાની શક્તિનું પ્રદર્શન કર્યું છે. આ હુમલાએ માત્ર અમેરિકા જ નહીં પણ સમગ્ર પશ્ચિમી દેશોને વિચારતા કરી દીધા છે.

4,000 કિમીની રેન્જ: ઈરાનનું મોટું રહસ્ય

ઈરાન હંમેશા જાહેરમાં એવો દાવો કરતું આવ્યું છે કે તેની મિસાઈલોની ક્ષમતા માત્ર 2,000 કિમી સુધીની જ છે. પરંતુ ડિએગો ગાર્સિયા બેઝ ઈરાનથી લગભગ 4,000 કિમી દૂર છે. જો ઈરાને આટલી દૂર મિસાઈલ દાગી છે, તો તેનો અર્થ એ છે કે તેના શસ્ત્રાગારમાં એવી મિસાઈલો (IRBM) છે જેનાથી આખું દક્ષિણ યુરોપ અને હિંદ મહાસાગર તેની સીધી પહોંચમાં છે.

અમેરિકા માટે કેમ મહત્વનો છે ‘ડિએગો ગાર્સિયા’?

• હિંદ મહાસાગરમાં આવેલો આ ટાપુ અમેરિકા માટે ‘અભેદ કિલ્લો’ માનવામાં આવે છે.
• અહીંથી અમેરિકા પોતાના ભારે બોમ્બર વિમાનો અને જાસૂસી વિમાનો ઓપરેટ કરે છે.
• આ બેઝ અમેરિકાની ઈન્ડો-પેસિફિક રણનીતિનું મુખ્ય કેન્દ્ર છે.
• ઈરાને આ અડ્ડાને નિશાન બનાવીને સાબિત કર્યું છે કે હવે કોઈ પણ અમેરિકી ઠેકાણું તેનાથી સુરક્ષિત નથી.

પશ્ચિમી દેશો માટે નવો ખતરો

આ હુમલાના પ્રયાસ બાદ હવે યુદ્ધનું કેન્દ્ર મધ્ય-પૂર્વ (Middle East) થી વધીને હિંદ મહાસાગર સુધી પહોંચી ગયું છે. અમેરિકા અને બ્રિટન માટે હવે મુશ્કેલી એ છે કે તેમણે પોતાની મિસાઈલ ડિફેન્સ સિસ્ટમને હવે દક્ષિણ તરફ વાળવી પડશે. વૉલ સ્ટ્રીટ જર્નલના મતે, ભલે મિસાઈલ રોકી દેવામાં આવી હોય, પણ ઈરાનની આ ‘લાંબી પાંખો’ ભવિષ્યમાં મોટી તબાહી લાવી શકે છે.

ઈરાને આ હુમલા દ્વારા એ સંકેત આપ્યો છે કે તેની પાસે એવા હથિયારો છે જેના વિશે પશ્ચિમી ઈન્ટેલિજન્સ એજન્સીઓ પાસે કોઈ માહિતી નથી. આ ‘રહસ્યમય’ મિસાઈલ ગેમ ચેન્જર સાબિત થઈ શકે છે.

23 માર્ચથી બદલાઈ જશે નિયમ! કેન્દ્ર સરકારનો LPG અંગે અત્યાર સુધીનો સૌથી મોટો નિર્ણય, હોટલ, રેસ્ટોરન્ટ અને ઉદ્યોગોને મળશે ભેટ