17 જાન્યુઆરીના મહત્વના સમાચાર : કચ્છમાં 24 કલાકમાં ભૂકંપના 3 આંચકા, ખાવડામાં 4.1ની તીવ્રતાનો ભૂકંપ આવ્યો

વડોદરાના સુરસાગર વિસ્તારમાં તંત્ર અને લારી ધારકો વચ્ચેનો તણાવ યથાવત જોવા મળી રહ્યો છે. કોર્પોરેશન દ્વારા ચાલી રહેલી દબાણ હટાવ ઝુંબેશ સામે લારી ધારકોમાં ભારે રોષ ફેલાયો છે. દબાણ શાખાની ટીમ લારી અને ગલ્લા હટાવવા પહોંચતા સ્થળ પર હોબાળો સર્જાયો હતો. લારી ધારકોએ તંત્ર પર મનમાની અને પસંદગીભર્યા પગલાં લેવાના ગંભીર આક્ષેપો કર્યા છે. લારી ધારકોનું કહેવું છે કે કોર્પોરેશનની સૂચના મુજબ લારીઓ અંદર રાખી હોવા છતાં કેટલીક લારીઓ જપ્ત કરીને લઈ જવામાં આવી છે, જ્યારે અન્ય લારીઓ સામે કોઈ કાર્યવાહી ન થતાં ભેદભાવ થયો હોવાના પણ આક્ષેપ ઉઠ્યા છે.