ઇરાન સરકાર સામે અવાજ ઉઠાવનાર ફરીદ મોરાદખાનીનો વિડીયો સોશીયલ મીડિયા પર ખૂબ જ વાયરલ, જાણો તેમને શું કહ્યું

ઇરાનમાં મહસા અમીનીના કસ્ટોડીયલ મૃત્યુ બાદ ઈરાનમાં વિરોધ પ્રદર્શન હજુ પણ ચાલું છે. ઈરાનમાં માનવ અધિકારે જાહેર કરેલા આંકડા અનુસાર, અત્યાર સુધીમાં આ વિરોધ પ્રદર્શનોને કારણે 450 થી વધારે લોકો હોમાયા છે, અને, વિરોધ પ્રદર્શનોને રોકવા પોલીસ દ્વારા દમન પણ ગુજારવામાં આવેલો છે. આવા વિરોધ પ્રદર્શનોને લઇને અત્યારસુધી  17 હજારથી પણ વધારે લોકોની ધરપકડ થઇ ચૂકી છે. હજુપણ ઇરાનમાં સરકાર કાર્યશૈલીને લઇને વિરોધ કરી રહેલા લોકો પર દમન ગુજારવામાં આવી રહ્યો છે. જેના છાશવારે સમાચારો પ્રસારિત થતા રહે છે. આંતરરાષ્ટ્રીય સમાચાર અહીં વાંચો.

સરકારની નીતિઓનો વિરોધ કરવા ઈરાનના એક સર્વોચ્ચ નેતા આયાતુલ્લા અલી ખમેનીની ભત્રીજીનો વીડિયો ખૂબ જ વાયરલ થઇ રહ્યો છે. આ વીડિયોમાં નેતાની ભત્રીજીનું નિવેદન આવ્યું છે કે વિશ્વભરના તમામ દેશોએ ઇરાન સાથેના સંબંધો તોડી નાખવા જોઇએ તેમ જણાવ્યું છે. કારણ કે દેશમાં મહિલાઓ-બાળકો પર પોલીસ અને સરકાર દમન ગુજારી રહી છે. જેનો વિશ્વના તમામ દેશોએ વિરોધ કરવો જોઇએ તેવો નેતાની ભત્રીજીએ સંકેત આપ્યો છે.

તેના ભાઈએ સોશિયલ મીડિયોમાં વિડીયો પોસ્ટ કર્યો હતો

ફરીદ મોરાદખાનીના આ વિવાદીત નિવેદનનો વીડિયો તેમના ભાઈ મહમૂદ મોરાદખાનીએ સોશિયલ મીડિયા પર પોસ્ટ કર્યો છે. આ વીડિયો જોયા બાદ એક  યુઝર્સે વીડિયોને ખૂબ જ વાયરલ કર્યો છે. મહમૂદ મુરાદખાનીએ જણાવ્યું હતું કે તેની બહેનની ધરપકડ થઇ છે. આ સોશિયલ વાયરલ વીડિયોમાં ફરીદ મોરાદખાનીએ અનેક મુદ્દાઓ પર નિંદા કરી હતી. આ બાદ વૈશ્વિક સમુદાય પર પણ તેમને આક્રોશ વ્યકત કર્યો હતો.

ફરિદે ઈરાનની સરકારને આડે હાથ લીધી હતી

તેણે વીડિયોમાં નિવેદન આપ્યું છે કે ઈરાનમાં સરકાર કોઇપણ ધર્મ સાથે વફાદાર નથી. સરકાર બળનો પ્રયોગ કરીને કાયદો અને નિયમો પાળવા દબાણ કરે છે. વધુમાં તેમણે કહ્યું કે સ્થાનિક સરકારના દમન કરનારા નિયંત્રણો ખુબ જ રમુજી જન્માવે છે. ફરીદ મોરાદખાની એક એન્જિનિયર છે. જે આયાતુલ્લાહ ખામેનીના પરિવારના સદસ્ય છે. ઈરાનના ગુપ્તચર મંત્રાલયે આ વર્ષની શરૂઆતમાં ફરીદની ધરપકડ કરી હતી.તેમના પિતા, અલી મોરાદખાની અરંગેહ, એક શિયા મૌલવી હતા. જેમણે ખામેનીની બહેન સાથે લગ્ન કર્યા હતા.