Dubai News: દુબઈથી અત્યાર સુધી 50 કિલોગ્રામ સોનાની તસ્કરી, રીત જાણીને હેરાન થઈ જશો

પંજાબની CIA-II પોલીસે આંતરરાષ્ટ્રીય સોનાની દાણચોરી કરતી ગેંગનો પર્દાફાશ કર્યો છે. પોલીસે આ ગેંગના બે સભ્યોની ધરપકડ કરી છે. આ સોનાની દાણચોરી કરતી ગેંગ દુબઈ સુધી ફેલાયેલી છે. આ ગેંગ દુબઈના પ્રવાસીઓના હાથમાં સોનાની પેસ્ટ બનાવીને ભારતમાં તેમના લોકો સુધી પહોંચાડતી હતી. જે બાદ તસ્કરોના સાગરિતો એરપોર્ટ પરથી મુસાફરોની ઓળખ કરી તેમની પાસેથી સોનાની પેસ્ટ લઈને તેમને 20 હજાર રૂપિયા રોકડા આપ્યા બાદ છોડી દે છે.

માસ્ટરમાઇન્ડ દુબઈમાં

પોલીસના જણાવ્યા અનુસાર, તેમને આ અંગે બાતમી મળી હતી, જેના પછી તેમણે કાર્યવાહી કરી અને માહિતીના આધારે લુધિયાણાથી બંને આરોપીઓની ધરપકડ કરી. પોલીસે તેમની પાસેથી 1 કિલો 230 ગ્રામ સોનાની પેસ્ટ, પાંચ કારતૂસ અને દેશી બનાવટની પિસ્તોલ જપ્ત કરી છે. આરોપીઓના પાસેથી પ્રાપ્ત માહિતી અનુસાર આ ગેંગનો માસ્ટર માઈન્ડ દુબઈમાં રહે છે અને દુબઈથી ભારત આવતા લોકોના હાથમાંથી સોનાની પેસ્ટ ભારત મોકલાવે છે.

પકડાયેલા બંને આરોપીઓ યુપીના

ધરપકડ કરાયેલા બે આરોપીઓની ઓળખ આઝાદ સિંહ અને આશુ કુમાર તરીકે થઈ છે. આરોપીઓ ઉત્તર પ્રદેશના સહારનપુર જિલ્લાના ગાડોલા ગામના રહેવાસી છે. પોલીસે બંને સામે ગુનો નોંધ્યો છે. પૂછપરછ દરમિયાન, પોલીસને જાણવા મળ્યું કે આરોપી આઝાદ સિંહના સાળા પુનીત સિંહ અને તેના સહયોગી પરવિંદર સિંહ પણ આ ગેંગના મહત્વપૂર્ણ ભાગ છે. પુનીત સિંહ અને તેનો પાર્ટનર પરવિંદર સિંહ બંને હાલમાં દુબઈમાં રહે છે. પોલીસે આ કેસમાં તેનું નામ પણ લીધું છે.

પેસ્ટના રૂપમાં સોનાની દાણચોરી

આ સમગ્ર ઓપરેશન વિશે વાત કરતા પોલીસ કમિશનર મનદીપ સિંહ સિદ્ધુએ જણાવ્યું કે માહિતીના આધારે CIA 2ની ટીમે જલંધર બાયપાસ પાસે નાકાબંધી કરી હતી. આ દરમિયાન CIA II ની ટીમે બંને આરોપીઓને પકડી લીધા હતા. પોલીસે તેમની પાસેથી 1 કિલો 230 ગ્રામ સોનાની પેસ્ટ, પાંચ કારતૂસ અને દેશી બનાવટની પિસ્તોલ જપ્ત કરી છે. પોલીસની પૂછપરછ દરમિયાન આ દાણચોરી સોનાની પેસ્ટના રૂપમાં થતી હોવાનું બહાર આવ્યું હતું.

આ પણ વાંચો : London News: ભાડૂઆતએ મકાનમાલિક સાથે કરી 15 લાખની છેતરપિંડી ! દરેક મકાન માલિકે ચેતવા જેવી ઘટના, જાણો

બંને આરોપીઓએ પોલીસને જણાવ્યું કે તેમનો એક જ ઈરાદો એરપોર્ટ પર મુસાફરો પાસેથી પેસ્ટ સ્વરૂપે સોનું લેવાનો હતો અને તેમને 20,000 રૂપિયા આપવાનો હતો. મુસાફરોના ફોટા તેમને ઓળખ માટે વોટ્સએપ પર મોકલવામાં આવ્યા હતા. આરોપીઓએ પોલીસને એમ પણ જણાવ્યું કે પેસ્ટ હોવાના કારણે મશીન પણ સોનું પકડી શકતું નથી. પોલીસની માહિતી અનુસાર, આરોપી અત્યાર સુધીમાં લગભગ 50 કિલો સોનું પેસ્ટના રૂપમાં દાણચોરી કરી ચૂક્યો છે.