મધ્ય પૂર્વમાં ચાલી રહેલા ઈરાન ઈઝરાયેલ-અમેરિકાના યુદ્ધમાં, ઈરાન સામેના યુદ્ધમાં આરબ રાષ્ટ્રને ખેંચી લેવા માટે અમેરિકા અને ઈઝરાયેલે તૈયારી કરી લીધી છે. યુદ્ધ શરુ થયા બાદ, કેટલાક સમયથી, યુએસ રાષ્ટ્રપતિ ડોનાલ્ડ ટ્રમ્પ આરબ દેશોને આ યુદ્ધમાં જોતરાવા માટે વિનંતી કરી રહ્યા છે. પરંતુ ઈઝરાયેલ અને અમેરિકાએ જે રીતે યુદ્ધની રણનીતિ અપનાવી છે તે જોતા હવે એવું લાગે છે કે, આ સ્થાનિક સંઘર્ષ પ્રદેશ-વ્યાપી યુદ્ધમાં ફેરવાઈ જવાની આરે છે. ઈરાની સંસદના સ્પીકર મોહમ્મદ બાઘર ગાલિબાફે જણાવ્યું હતું કે, તેમને એવી એક ગુપ્ત માહિતી મળી છે કે એક આરબ રાષ્ટ્ર યુનાઇટેડ સ્ટેટ્સ સાથે મળીને ઈરાનના ખાર્ગ ટાપુ પર કબજો કરવાની તૈયારી કરી રહ્યું છે.

સોશિયલ મીડિયા પ્લેટફોર્મ X પર શેર કરેલી એક પોસ્ટમાં, ઈરાની સંસદના સ્પીકર મોહમ્મદ બાઘર ગાલિબાફે ભારપૂર્વક જણાવ્યું હતું કે, ઈરાની ગુપ્ત માહિતી પાસે આ કાવતરા અંગે નક્કર માહિતી છે. તેમણે ઉમેર્યું હતું કે ટાપુ પર કોઈપણ હુમલો ઈરાનના પડોશી દેશોમાંથી એકની મદદથી કરવામાં આવશે. ગાલિબાફે ધમકી આપી હતી કે, જો આવું કૃત્ય કરવાનો પ્રયાસ કરવામાં આવશે, તો પડોશી રાષ્ટ્ર સંપૂર્ણ વિનાશનો સામનો કરશે. જોકે ઈરાની નિવેદનમાં સ્પષ્ટપણે કોઈ ચોક્કસ આરબ દેશનું નામ લેવામાં આવ્યું નથી, વિશ્લેષકો માને છે કે વિવાદમાં રહેલો રાષ્ટ્ર સંભવત યુએઈ હોઈ શકે છે.

ગાલિબાફે તેમની પોસ્ટમાં શું કહ્યું?

ઈરાનની સંસદના સ્પીકર મોહમ્મદ બાઘર ગાલિબાફે જણાવ્યું હતું કે: “ચોક્કસ ગુપ્ત માહિતીના આધારે, ઈરાનના વિરોધીઓ – એક પ્રાદેશિક રાષ્ટ્ર દ્વારા સમર્થિત – ઈરાનના એક ટાપુ પર કબજો કરવાની તૈયારી કરી રહ્યા છે. બધી દુશ્મન પ્રવૃત્તિઓ આપણા સશસ્ત્ર દળોની સંપૂર્ણ દેખરેખ હેઠળ રહે છે. જો તેઓ આપણી લાલ રેખાઓ પાર કરે છે, તો તે પ્રાદેશિક રાષ્ટ્રના મહત્વપૂર્ણ માળખાનો સંપૂર્ણ ભાગ આપણા સતત, અવરોધ વિનાના હુમલાઓનું લક્ષ્ય બનશે.”

આરબ રાષ્ટ્રોએ ઈરાનના હુમલાઓની નિંદા કરી

વધુમાં, આઠ આરબ રાષ્ટ્રોએ તાજેતરમાં એક સંયુક્ત નિવેદન બહાર પાડીને ઈરાન અને તેના પ્રોક્સી દળો દ્વારા સમગ્ર પ્રદેશમાં કરવામાં આવી રહેલા હુમલાઓની નિંદા કરી. કતાર, કુવૈત, યુએઈ, બહેરીન, સાઉદી અરેબિયા અને જોર્ડન આ હુમલાઓની કડક શબ્દોમાં નિંદા કરવા માટે સામૂહિક નિવેદનમાં જોડાયા હતા. આ દેશોએ જણાવ્યું હતું કે ઈરાન દ્વારા કરવામાં આવેલી આ કાર્યવાહી તેમની સાર્વભૌમત્વ અને આંતરરાષ્ટ્રીય કાયદાઓનું ખુલ્લેઆમ ઉલ્લંઘન છે. વધુમાં, તેઓ બદલો લેવાનો અધિકાર અનામત રાખે છે.

Breaking News : ભારત માટે ઈરાને ખોલી હોર્મુઝ સ્ટ્રેટ, કોઈ જ રોકટોક વિના આવ-જા કરી શકશે ભારતીય જહાજો