AI ટૂલનો તરખાટ: અમેરિકી શેરબજારમાં IT સ્ટોક્સમાં ઐતિહાસિક કડાકો, એક જ દિવસમા 6%નો ઘટાડો, સોફ્ટવેર અને લીગલ સેક્ટરમાં ફફડાટ
AI સ્ટાર્ટઅપ 'એન્થ્રોપિક' દ્વારા કોર્પોરેટ અને લીગલ કામગીરીને ઓટોમેટ કરવા માટે લોન્ચ કરવામાં આવેલા નવા AI ટૂલને કારણે વૈશ્વિક બજારમાં ખળભળાટ મચી ગયો છે. આ ટૂલ પરંપરાગત સોફ્ટવેર કંપનીઓની જગ્યા લઈ લેશે તેવી આશંકાએ અમેરિકાના નાસ્ડેક (NASDAQ) સહિતના ઇન્ડેક્સમાં ભારે લે-વેચ જોવા મળી હતી, જેના કારણે આઈટી સ્ટોક્સમાં 25% સુધીનો ઘટાડો નોંધાયો છે.
આર્ટિફિશિયલ ઇન્ટેલિજન્સ (AI) ક્ષેત્રે થઈ રહેલા નવા સંશોધનો હવે પરંપરાગત આઈટી અને સોફ્ટવેર કંપનીઓ માટે પડકારરૂપ બની રહ્યા છે. એન્થ્રોપિક (Anthropic) કંપનીએ હાલમાં જ એક એવું અત્યાધુનિક AI ટૂલ લોન્ચ કર્યું છે જે કાયદાકીય (Legal) અને કોર્પોરેટ ડેટાના જટિલ કાર્યોને મિનિટોમાં ઉકેલી શકે છે. આ એક ટૂલના કારણે રોકાણકારોમાં એવો ડર બેસી ગયો છે કે આગામી સમયમાં સોફ્ટવેર સર્વિસ આપતી કંપનીઓની જરૂરિયાત ઘટી જશે.
શેરબજારમાં ‘બ્લેક મંગળવાર’ જેવી સ્થિતિ આ સમાચાર બહાર આવતા જ અમેરિકી બજારમાં ટેક કંપનીઓના શેરમાં ભારે કડાકો જોવા મળ્યો હતો.
સોફ્ટવેર દિગ્ગજોમાં ફફડાટ:
કોગ્નિઝન્ટ, એક્સેન્ચર, ગાર્ટનર અને EPAM જેવી કંપનીઓના શેર 10% થી 25% સુધી તૂટ્યા હતા.
ભારતીય કંપનીઓ પર અસર:
અમેરિકામાં લિસ્ટેડ ભારતીય આઈટી કંપનીઓ જેવી કે ઇન્ફોસિસ અને વિપ્રોના ADR (American Depository Receipts) માં પણ 6%નો ઐતિહાસિક ઘટાડો જોવા મળ્યો હતો.
લીગલ સેક્ટરમાં પણ ફફડાટ:
લીગલ સેક્ટરમાં હાહાકાર એન્થ્રોપિકનું આ નવું મોડલ ખાસ કરીને લીગલ સેક્ટર (Legal AI Tool) માટે ગેમ-ચેન્જર માનવામાં આવી રહ્યું છે. તે કાયદાકીય દસ્તાવેજોનું વિશ્લેષણ અને ડ્રાફ્ટિંગ અત્યંત સચોટતાથી કરે છે. આના પરિણામે લીગલઝૂમ (LegalZoom) જેવી કંપનીઓના શેરમાં 20% અને થોમસન રોયટર્સના સ્ટોકમાં 15% જેટલો મોટો ઘટાડો નોંધાયો હતો.
એક્સપર્ટ્સનું શું કહેવું છે? બજારના વિશ્લેષકો આ સ્થિતિને ‘સાસપોકેલિપ્સ’ (SaaS-pocalypse) તરીકે ઓળખાવી રહ્યા છે. નિષ્ણાતોનું માનવું છે કે અત્યાર સુધી એવું મનાતું હતું કે AI આઈટી કંપનીઓને મદદ કરશે, પરંતુ એન્થ્રોપિકના આ નવા કદમથી હવે એવું લાગી રહ્યું છે કે AI આ કંપનીઓનું સ્થાન લઈ લેશે. આ સમાચાર પછી RELX અને Thomson Routers જેવા મુખ્ય કાનૂની સોફ્ટવેર શેરોમાં 10 ટકાનો ઘટાડો થયો. આ AI Tool સમગ્ર કરારો વાંચી શકે છે, જોખમોને ચિહ્નિત કરી શકે છે અને વકીલો માટે ચોક્કસ રેડલાઇન ફેરફારો પણ સૂચવી શકે છે.
આગામી દિવસોમાં ભારતીય શેરબજારમાં ટાટા કન્સલ્ટન્સી સર્વિસીસ (TCS), વિપ્રો અને ઇન્ફોસિસ જેવી દિગ્ગજ કંપનીઓના શેર પર રોકાણકારોની ખાસ નજર રહેશે, કારણ કે વૈશ્વિક સ્તરે આઈટી ક્ષેત્રમાં મોટું પરિવર્તન આવવાના સંકેતો મળી રહ્યા છે.
