Breaking News : ઈરાનના સુપ્રીમ લીડર ખામેની બાદ તેની પત્નીનું પણ મોત

ઈઝરાયલી હવાઈ હુમલામાં ઘાયલ થયેલ મન્સૌરેહ ખોજાસ્તેહ બાઘરઝાદેહનું સારવાર દરમિયાન અવસાન થયું હોવાનું ઈરાનના રાજ્ય મીડિયાએ જણાવ્યું છે. તેઓ ઈરાનના સર્વોચ્ચ નેતા Ayatollah Ali Khameneiની પત્ની હતા. અહેવાલો મુજબ બે દિવસ પહેલાં થયેલા હુમલામાં તેઓ ગંભીર રીતે ઘાયલ થયા હતા.

રાજ્ય મીડિયા મુજબ 28 ફેબ્રુઆરીએ થયેલા હવાઈ હુમલામાં ખામેની સહિત તેમના પરિવારના કેટલાક સભ્યો પણ નિશાન બન્યા હતા. જો કે, અમેરિકા અને ઈઝરાયલે પરિવારના અન્ય સભ્યોના મૃત્યુ અંગે સત્તાવાર પુષ્ટિ કરી નથી. ઈરાને આ ઘટનાને પગલે 40 દિવસનો રાષ્ટ્રીય શોક જાહેર કર્યો છે.

મન્સૌરેહ ખોજાસ્તેહે 1964માં ખામેની સાથે લગ્ન કર્યા હતા. તેઓ સામાન્ય રીતે જાહેર જીવનથી દૂર રહેતા અને ખૂબ જ ઓછી વખત સરકારી કાર્યક્રમોમાં દેખાતા. તેઓ મશહાદના પ્રખ્યાત ઉદ્યોગપતિ મોહમ્મદ ઇસ્માઇલ ખોજાસ્તેહ બાઘરઝાદેહની પુત્રી હતા. તેમના ભાઈ હસન ખોજાસ્તેહ ઈરાનના રાજ્ય સંચાલિત પ્રસારણ સંસ્થા Islamic Republic of Iran Broadcasting (IRIB)માં ડેપ્યુટી ડિરેક્ટર તરીકે ફરજ બજાવી ચૂક્યા છે.

ખામેની અને તેમની પત્નીને કુલ છ સંતાનો છે — ચાર પુત્રો અને બે પુત્રીઓ. પુત્રોના નામ મુસ્તફા, મોજતબા, મસૂદ અને મેયસમ છે, જ્યારે પુત્રીઓના નામ બોશરા અને હોદા છે. સૌથી મોટા પુત્ર મુસ્તફા ધાર્મિક નેતા તરીકે ઓળખાય છે અને તેઓ ઈરાન-ઈરાક યુદ્ધમાં પણ જોડાયા હતા. પરિવારના અન્ય સભ્યો જાહેર જીવનમાં ઓછા દેખાય છે.

ખામેનીના પરિવારમાં અનેક પૌત્ર-પૌત્રીઓ છે, જેમાંથી થોડાં નામ જ જાહેરમાં જાણીતા છે. તેમના ભાઈઓમાં મોહમ્મદ ખામેની અને હાદી ખામેનીનો સમાવેશ થાય છે. તેમની એક બહેન બદ્રી ખામેની 1980ના દાયકામાં ઈરાન છોડીને વિદેશ સ્થાયી થયા હોવાનું કહેવાય છે. કેટલાક અહેવાલો મુજબ પરિવારના કેટલાક સભ્યો વિદેશમાં પણ નિવાસ કરે છે, જ્યારે તેમના સંતાનો ઈરાનમાં રહે છે.