Health Tips : ઠંડી ACના હવાથી વાળ અને સ્કિન ડ્રાય થઈ શકે છે, જાણો નિષ્ણાતો શું કહે છે?
સવારે તૈયાર થયા પછી બપોર સુધીમાં આપણી સ્કિન ડ્રાય થવા લાગે છે, વાળ ઓયલી દેખાવા લાગે છે અને આપણો આખો લુક ફીકો પડી જાય છે. ઘણા લોકોનું આવું માનવાનું છે કે આ ઓફિસના એર કન્ડીશનરના વાતાવરણના લીધે થાય છે.
જ્યારે તમે સવારે ઓફિસ માટે ઘરેથી નીકળો છો ત્યારે તમારો ચહેરો ફ્રેશ હોય છે. તમારા વાળ સેટ હોય છે અને તમારો લુક પણ પરફેક્ટ હોય છે. જો કે ઓફિસ પહોંચ્યાના થોડા જ કલાકોમાં તમારી સ્કિન ડ્રાય થવા લાગે છે અને વાળ ઓયલી દેખાવા લાગે છે. આ ઘટનાને હવે સોશિયલ મીડિયા પર ઓફિસ એર થિયરી કહેવામાં આવી રહી છે. ઘણા લોકોનું માનવું છે કે ઓફિસના એર કન્ડીશનરના કારણે આવું થાય છે.
ઓફિસ એર થિયરી શું છે?
આ ટ્રેન્ડ ઝડપથી દરેક સોશિયલ મીડિયા પ્લેટફોર્મ પર વાયરલ થઈ રહ્યો છે. આ થિયરી મુજબ સવારે તૈયાર થયા પછી બપોર સુધીમાં તમારી ત્વચા ડ્રાય થવા લાગે છે. તમારા વાળ સપાટ અને ઓયલી દેખાય છે. સોશિયલ મીડિયા યુઝર્સ ઓફિસના એર કન્ડીશનરના વાતાવરણને જવાબદાર માને છે.
નિષ્ણાતો શું કહે છે?
નિષ્ણાતોના મતે, એર કન્ડીશનરમાં ભેજ ઓછો હોય છે. જેના કારણે ત્વચામાંથી પાણી નીકળે છે. આ પ્રક્રિયાને ટ્રાન્સ એપિડર્મલ વોટર લોસ કહેવામાં આવે છે. આનાથી સ્કિન ડ્રાય થવા લાગે છે.
ફક્ત AC જ નહીં આ કારણો પણ છે જવાબદાર
નિષ્ણાતો કહે છે કે સ્કિન અને વાળ ડ્રાય થવામાં માત્ર ઓફિસનું વાતાવરણ જ નહીં પણ રોજિંદાની આદત પણ મુખ્ય ભૂમિકા ભજવે છે. નિષ્ણાતોના મતે, બહારની ગરમી, ધૂળ અને પરસેવો, ત્યારબાદ એર કન્ડીશનરના અચાનક સંપર્કમાં આવવું, શહેરી પ્રદૂષણ, દિવસભરનો થાક અને સમય જતાં સ્કિનમાં થતા કુદરતી ફેરફારો, આ બધાની અસર ત્વચા અને વાળ પર પડે છે.
ત્વચા અને વાળની સંભાળ કેવી રીતે રાખવી?
નિષ્ણાતોના મતે, કેટલીક આદતો અપનાવવાથી આ સમસ્યાને રોકવામાં મદદ મળી શકે છે. બહારથી આવ્યા પછી તમારા ચહેરાને સાફ કરો, મોઇશ્ચરાઇઝર અને હાઇડ્રેટિંગ ઉત્પાદનોનો ઉપયોગ કરો, દિવસભર પૂરતું પાણી પીવો, સનસ્ક્રીનનો ઉપયોગ કરો, વધુ પડતા વાળ ધોવાનું ટાળો અને ફેસ મિસ્ટ અથવા ગુલાબજળનો ઉપયોગ કરો.
નોંધ: અહીં, પૂરી પાડવામાં આવેલી વિગતો માત્ર રિપોર્ટ્સ મુજબ આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
