સૂવાની રીત બદલીને કમર, ગરદનનો દુખાવો, એસિડિટી જેવી અનેક સમસ્યાઓથી મેળવો છૂટકારો

આજકાલ સર્વાઈકલ, સ્લિપ ડિસ્ક, કમરનો દુખાવો જેવી મુશ્કેલીઓ સામાન્ય બની ગઈ છે. પરંતુ બહુ ઓછા લોકોને ખબર હશે કે આ તકલીફો સૂવાની ખોટી રીતને કારણે પણ થતી હોય છે. નિષ્ણાતોનું કહેવું છે કે સૂવાની ખોટી રીતથી શરીરના કેટલાક ભાગોની પોઝિશન બદલાય છે છે. જેના કારણે નસ દબાઈ જવી, હાડકાં ખસવા, સ્લિપ ડિસ્ક, કમરનો દુખાવો, સર્વાઈકલ, ગળાના દુખાવા જેવી ઘણી સમસ્યાઓ થાય છે. જો પહેલાથી જ કોઈ સમસ્યા હોય છે તો સૂવાની ખોટી રીતના કારણે તે વધે છે.

સૂવાની સાચી રીત જાણો

નિષ્ણાતોના માટે ડાબી બાજુ સૂવું એ શ્રેષ્ઠ છે. આનાથી પાચનતંત્રમાં સુધારો આવે છે. જેથી ગેસ, એસિડિટી, સ્લિપ ડિસ્ક, કમરનો દુખાવો, સર્વાઈકલ, ગળાના દુખાવા, હાઈ બીપી, હ્રદય રોગ જેવી અનેક સમસ્યાઓથી બચી શકાય છે. ઉપરાંત નસકોરા પણ ઓછા થઈ જાય છે. સગર્ભા સ્ત્રીઓને બાળકની સારી વૃદ્ધિ અને અન્ય સમસ્યાઓ ટાળવા માટે ખાસ કરીને ડાબા પડખે સૂવું જોઈએ. એક સર્વે મુજબ ડાબી બાજુ સૂવાથી અલ્ઝાઈમર અને પાર્કિન્સન જેવા ન્યુરોલોજીકલ રોગોનું જોખમ ઘટે છે.

ડાબા પડખે સૂતા સમયે આ બાબતોનું ધ્યાન રાખો

પોઝીશન બદલવા માટે તમારી પીઠના સહારે સૂવો

પોઝિશન બદલવા માટે તમે તમારી પીઠના ભાગથી થોડો સમય સૂઈ શકો છો, પરંતુ તમારી પીઠ પર સૂતા સમયે, ખાસ ધ્યાન રાખવું કે કરોડરજ્જુની સ્થિતિમાં ફેરફાર ના થાય નહીં તો પીઠની સમસ્યા વધી શકે છે. જે લોકોને પેટના સહારે સૂવાની આદત છે, તેઓએ આ આદત જલ્દીથી બદલવી જોઈએ. આ રીતે સૂવાથી સાંધા અને સ્નાયુઓ પર દબાણ આવે છે, જેના કારણે ગળા અને પીઠનો દુખાવો થવાની સંભાવના છે.

ડાબા પડખે સૂતા સમયે આ બાબતોનું ધ્યાન રાખો

કેટલાક લોકો માને છે કે ઓશીકાનો ઉપયોગ ન કરવો જોઈએ. પરંતુ આ એક ગેરસમજ છે. યોગ્ય સ્થિતિ માટે ઓશિકાઓનો ઉપયોગ કરવો પણ જરૂરી છે, પરંતુ ઓશીકાની જાડાઈ ખભા, માથા અને ગળા વચ્ચેના અંતરને ભારે એટલું જ જાડું હોવું જોઈએ. જેથી તમારી ગરદન સૂવાના સમયે લટકતી ના રાહે. આ સિવાય ઘૂંટણમાં દુખાવો થતો હોય તો સૂતા સમયે બંને ઘૂંટણની વચ્ચે પાતળું ઓશિકું અથવા ગાદી રાખી દો.

આ પણ વાંચો: રિન્યુબલ એનર્જી ક્ષેત્રમાં નોકરીની શોધમાં છો તો વાંચો અમારી આ પોસ્ટ, મળશે તગડો પગાર