શરીરમાં આ લક્ષણો દેખાય તો સમજી જજો કે શરીરમાં પાણીની કમી થઈ, લક્ષણોને આ રીતે ઓળખો

આપણા શરીરમાં 30 ટકા પાણીનો ભાગ છે અને બાકીના 70 ટકામાં હાડકા અને સ્નાયુ આવેલા છે. આ જ કારણ છે કે જળને જીવનની સંજ્ઞા આપવામાં આવી છે. કારણ કે મનુષ્ય ખોરાક વિના થોડો સમય રહી શકે છે પણ પાણી વગર રહેવુ અશક્ય છે.

પાણી તો બધા પીએ છે. પણ મોટાભાગના લોકો શરીરની જરૂરિયાત પ્રમાણે પાણી પીતા નથી. આ સમસ્યા ક્યારેક ગંભીર થઈ શકે છે. ડીહાઇડ્રેશનના કારણે મોટી સંખ્યામાં લોકોના મૃત્યુ પણ થાય છે. આવો જાણીએ એ લક્ષણોને જેનાથી તમને માલુમ પડશે કે તમારા શરીરમાં પાણીની કમી છે.

જ્યારે શરીરમાં પાણીની કમી હોય ત્યારે તમારા હોઠ ફાટવા લાગે છે. ક્યારેક તેમાંથી લોહી પણ નીકળે છે. ગળું સુકાઈ જાય છે. વારંવાર પાણી પીવાથી પણ તરસ બુઝાતી નથી. છાતીમાં બળતરા થાય છે. પેટમાં એસીડીટી જેવું લાગે છે. મોંઢામાંથી અમૂકવાર દુર્ગંધ પણ આવે છે.

શરીરમાં પાણીની કમી હોય ત્યારે પેશાબ ગાઢ પીળા રંગનો અને ઓછો થાય છે. પ્રાઇવેટ પાર્ટમાં ખંજવાળ અને બળતરા થાય છે. ડીહાઇડ્રેશનના કારણે સ્કિન પણ ડ્રાય થઈ જાય છે.

પાણીની કમીથી માંસપેશીઓમાં દુઃખાવો થાય છે, તે જકડાઈ જાય છે. માથામાં દુઃખાવો થાય છે, ચહેરો નિસ્તેજ દેખાય છે. આંખ નીચે કાળા કુંડાળા પણ દેખાવા લાગે છે.