પરફ્યુમના શોખીનો ખાસ વાંચે, વધુ પડતા પરફ્યુમનો ઉપયોગ લાવી શકે છે આ સમસ્યાઓ

મોટાભાગના લોકો ઘરેથી તૈયાર થઈને નીકળતા પહેલા ડિયો અથવા પર્ફ્યુમ જરૂરથી લગાવે છે. કેટલાક લોકોને પરફ્યુમનો એટલો શોખ હોય છે કે થોડા થોડા સમય પછી તેને લગાવતા જ રહે છે. પરંતુ ક્યારેક તમે જો જરૂરિયાત કરતાં વધારે ડિયો અથવા પરફ્યુમ વાપરતા હોવ તો આવો તમને જણાવીએ કે ટેવ તમારા માટે કઈ આરોગ્યલક્ષી સમસ્યાઓ લાવી શકે છે? વધારે પડતા પર્ફ્યુમમાં આલ્કોહોલ હોય છે, જે ત્વચામાંથી નરમાશ શોષી લે છે. જેના કારણે ઘણા પ્રકારની આરોગ્યલક્ષી સમસ્યા થઈ શકે છે. ડિયો અને પર્ફ્યુમમાં રહેલા ન્યુરોટોક્સિન તમારી કેન્દ્રીય તંત્રિકા તંત્ર અને પ્રભાવિત કરી શકે છે.

જો તમે રોજ જરૂરીયાત કરતા વધારે ડિયો અથવા પર્ફ્યુમ લગાવો છો તો તે તમારી ત્વચાની અંદર પહોંચીને હોર્મોન્સનું સંતુલન બગાડી શકે છે. સાથે જ કેટલીક વાર તે ત્વચામાં નિશાન, એલર્જી વગેરેનું કારણ પણ બની શકે છે.

કેટલાક ડિયોડ્રન્ટમાં એવા કેમિકલ હોય છે જે અલ્જાઈમર અને શ્વાસ સંબંધિત સમસ્યાઓની આશંકાને વધારી શકે છે, સાથે જ માત્ર સુગંધવાળા ડિયો અને પરફ્યુમ શરીરના અંદરના સૂક્ષ્મ તંતુઓને પણ ક્ષતિગ્રસ્ત કરી શકે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

નોંધ– તસવીરો પ્રતિકાત્મક છે અને આ બિમારીમાં તજજ્ઞ કે ફેમિલી ડોક્ટરની સલાહ અવશ્ય લઈ લેવી.