પેઇન એટલે દુઃખાવો. એ આજે મોટાભાગના લોકોમાં જોવા મળતું સામાન્ય લક્ષણ છે. શરીરના કોઈપણ અંગમાં થતો દુઃખાવો વ્યક્તિની કાર્યક્ષમતા ઘટાડે છે. આ દુઃખાવો માથાના પગથી લઈને પગના અંગૂઠા સુધી એમ શરીરના કોઈપણ ભાગે હોય શકે છે. કોઈને પણ દુઃખાવો થાય ત્યારે એક આદત હોય છે કે મેડિકલ સ્ટોરમાંથી કોઈપણ પેઇન કિલર લઈને ગોળી લઈ લે છે. પણ ડોક્ટરની સલાહ વગર લેવામાં આવતી દવાઓ ઘણીવાર કિડનીને બીમારીને નિમંત્રણ આપે છે. જે કિડનીના સામાન્ય સોજાથી લઈને કિડની ફેલિયર સુધી હોય શકે છે.
પેઇનકીલરના પ્રકાર :
એક NSAID જેમ કે આઇબ્રુપ્રોફેન, નિમેસુલાઇડ, ડાયકોફેનાક વગેરે કન્ટેન્ટ એટલે કે ડ્રગવાળી દવાઓ. આ દવાઓનો ડોક્ટરની સલાહ વગરનો ઉપયોગ કરવાથી કિડની તથા આંતરડાની બીમારીઓ થઈ શકે છે. બીજી હોય છે Non NSAID જેમ કે પેરાસીટામોલ, ટ્રામાડોલ વગેરે જે આંતરડા અને કિડની માટે સલામત છે.
લક્ષણો શું છે ?
કોઈપણ પ્રકારના એક્યુટ રિનલ ફેઈલરમાં ભૂખ ન લાગવી, ઉલટી ઉબકા આવવા, પગે સોજા આવવા, પેશાબ ઓછો કે બંધ થવો જેવી સમસ્યા ઉભી થઇ શકે છે. એક્યુટ કિડની ફેઈલરમાં લેબોરેટરીની તપાસ જેમ કે ક્રિએટીનીન, પોટેશિયમ, યુરિન તથા સોનોગ્રાફીની તપાસ કરીને ચોક્કસ નિદાન કરી શકાય છે.
સારવાર :
આ સમસ્યાઓ થઈ હોય તો તાત્કાલિક પેઇન કિલર દવાઓ બંધ કરવી અને ફિઝિશયન તથા કિડનીના ડોકટરનો સંપર્ક કરો. કેટલાક દર્દીઓમાં ડાયાલિસીસ પણ કરવું પડે છે. અચાનક કિડની ફેઈલ થવાના પણ કારણો છે. પણ પેઇન કિલરના કારણે એક્યુટ કિડની ફેઈલર થવું મુખ્ય કારણ છે. 40 થી 50 ટકા કિસ્સામાં પેઇન કિલર દવાઓ જવાબદાર હોય છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 1:35 pm, Fri, 18 September 20