બર્ગરમાં વંદો! સુરતમાં જાણીતી કંપનીના બર્ગરમાંથી વંદો નિકળતા વિવાદ, કંપનીએ ભૂલ સ્વીકારવાની ના પાડી, પાલિકાના આરોગ્ય વિભાગને ગ્રાહક દ્વારા ફરિયાદ કરવામાં આવશે

સુરતના જકાતનાકા દીપકમલ મોલમાં જાણીતી બર્ગર કંપનીમાં બર્ગર ઓર્ડર કર્યો હતો. પણ જ્યારે બોક્સ ખોલીને બર્ગર ખાવાનો પ્રયત્ન કર્યો ત્યારે તેમાંથી મોટો વાંદો નીકળ્યો હતો. જે બાદ તેમણે તુરંત જ મોબાઈલ કાઢીને વિડીયો બનાવ્યો હતો અને કંપનીના સ્ટાફ અને મેનેજરને બોલાવીને આ બાબતની ફરિયાદ કરી હતી.

જોકે પહેલા તો મેનેજરે આ બાબતે સ્વીકાર કરવાનો ઇનકાર કર્યો હતો કંપનીની કોઈ ભૂલ નહિ હોવાનું રટણ કર્યું હતું પણ ગ્રાહકની જાગૃતતા બાદ ત્યાં અન્ય લોકો પણ ભેગા થઈ ગયા હતા, આટલી મોટી જાણીતી બર્ગર કંપનીના ખાદ્ય ખોરાકમાં આવી બેદરકારી કેવી રીતે હોય શકે તે સવાલ પણ દરેકના મનમાં ઉઠી રહ્યો હતો.

જોકે હજી આ બાબતે પાલિકાના આરોગ્ય વિભાગને ગ્રાહક દ્વારા હવે ફરિયાદ કરવામાં આવશે તેવી જાણકારી મળી રહી છે.