વડોદારા મહિલા પોલીસ અને શૂટરે ચીનમાં બે ગોલ્ડ મેડલ જીતીને ભારત અને ગુજરાતનો ડંકો વગાળ્યો છે. ચીનમાં યોજાયેલી વર્લ્ડ પોલીસ એન્ડ ફાયર્સ ગેમ્સમાં વડોદરામાં પીએસઆઈ તરીકે ફરજ બજાવતા લજ્જા ગોસ્વામીએ કુલ 4 મેડલ મેળવ્યા છે. વૈશ્વિક કક્ષાએ ગુજરાત અને ગુજરાત પોલીસનું નામ રોશન કર્યું છે. લજ્જાએ બે ગોલ્ડ, 1 સિલ્વર, 1 બ્રોન્ઝ જીત્યા છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
લજ્જાએ 50 મીટર રાઈફલમાં ઇન્ડિવ્યુડલ ગોલ્ડ, 50 મીટર ટીમ ઇવેન્ટમાં બ્રોન્ઝ અને 10 મીટર એર રાઈફલમાં સિલ્વર મેડલ જીત્યો છે. ચીનમાં શાનદાર પ્રદર્શન કરી વતન વડોદરા પરત ફરતા એરપોર્ટ પર વડોદરા પોલીસ દ્વારા બેન્ડ દ્વારા લજ્જાનું સ્વાગત કરાયું હતું. આ તકે તેમના માતા-પિતાએ પણ ખુશી વ્યક્ત કરી હતી. નોંધનિય છે કે, લજ્જા આણંદ જિલ્લાના જીટોડિયાના રહેવાસી છે. તેઓ આ પહેલા કોમનવેલ્થ ગેમ્સ 2010-2014માં સિલ્વર અને ગોલ્ડ મેડલ જીતીને દેશનું નામ રોશન કરી ચૂક્યા છે. તો ઇન્ટરનેશનલ શૂટિંગ હરિફાઇ, issf વર્લ્ડ કપમાં પણ મેડલ જીતી ચૂક્યા છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો