સુરતમાંથી બે જણા 100 ગ્રામ ડ્રગ્સ સાથે ઝડપાયા, 5.80 લાખનો મુદ્દામાલ જપ્ત

સુરત: બળદેવ સુથાર 

ડ્રગ્સ બાબતે સુરત શહેર છેલ્લા ઘણા સમયથી અવારનવાર ચર્ચામાં આવી રહ્યું છે. સુરતમાં ડ્રગ્સનુ સેવન વધી રહ્યુ હોય તેવુ લાગી રહ્યું છે. ત્યારે જ સુરતના  પુણા વિસ્તારમાંથી બે વ્યક્તિઓને મેક્રોટોન નામના પ્રતિબંધિત ડ્રગ્સ સાથે સુરત એસઓજીએ ઝડપી પાડ્યા છે. બન્ને પાસેથી પકડાયેલ મેક્રોટોન ડ્રગ્સની કિંમત પાંચ લાખ રૂપિયા આંકવામાં આવી છે. એસઓજીની મળેલી બાતમીના આધારે મેક્રોટોનના જથ્થા સાથે પકડાયેલા બન્ને યુવાનો અગાઉ 2019માં પણ ડ્રગ્સ સાથે ઝડપાયેલા હોવાનું તપાસમાં ખુલ્યુ છે.

સુરત એસઓજીને બાતમી મળી હતી કે, પુણાના સરદાર માર્કેટ પાસે બે વ્યક્તિઓ ડ્રગ્સ લઈને આવવાના છે. જેના આધારે એસઓજી પોલીસે  ઝાંપાબજાર ખાતે રહેતા મુસ્તફા જોહર વાણા અને ઈશ્તીયાઝ ઉર્ફે લાલા ફિરોજ મલેકને ઝડપી પાડ્યા હતા. અને બન્નેની તલાશી લેતા આરોપી પાસેથી 100 ગ્રામ જેટલુ પ્રતિબંધિત મેક્રોટોન ડ્રગ્સ મળી આવ્યું હતું. જેની બજાર કિંમતપાંચ લાખ અંદાજવામાં આવી છે. બન્ને આરોપીઓ પાસેના ટુ વ્હીલર તથા મોબાઈલ ફોન  સહીત કુલ 5.80 લાખનો મુદ્દામાલ જપ્ત કરીને અન્ય આરોપીઓ અંગેની તપાસ હાથ ધરી છે.

આ બન્ને જણા ડ્રગ્સ ક્યાંથી લાવ્યા હતા, અને કોને ક્યાં આપવા જતા હતા તે વિગત પોલીસે મેળવીને અન્ય ચાર જણાની સંડોવણી ખુલી છે. જેમને વોન્ટેડ જાહેર કરીને ચારેય આરોપીને ઝડપી પાડવા ચક્રો ગતિમાન કર્યા છે. તો પકડાયેલા ઈપ્તીયાઝ ઉર્ફે લાલા ફિરોજ મલેક નાનો સને ૨૦૧૯માં ૧૯ ગ્રામ ડ્રગ્સ સાથે ઝડપાયો હતો. પોલીસનું માનવુ છે કે આ કેસમાં ઉડાણપૂર્કની તપાસમાં વધુ કેટલાકની સંડોવણી સાથે ડ્રગ્સ રેકેટમાં અનેક રહસ્યો સામે આવવાની સંભાવના છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો