સુરતમાં રેલવે સ્ટેશન ઉપર અકસ્માતની ઘટનાઓ વધી રહી છે. ઘણા લોકો ઉતાવળે જગ્યા મેળવવા માટે અથવા તો ઝડપથી ટ્રેનની નીચે ઉતરવાનો પ્રયાસ કરતા હોય છે. જેમાં તેઓ જીવ ગુમાવતા હોય છે. ત્યારે વધુ એક ઘટનામાં મહિલાનો બચાવ થયો છે. ચાલુ ટ્રેનમાં ચઢવા જતાં મહિલા ફસાઈ હતી. ત્યારે RPFના જવાને બચાવી લીધી હતી.
આ પણ વાંચો : SURAT : પીવાના પાણીમાં દુર્ગંધ આવતી હોવાની વ્યાપક ફરિયાદો, પાલિકાના ડ્રેનેજ સમિતિના સભ્યોએ તપાસ હાથ ધરી
સુરત રેલવે સ્ટેશન પર મેમુ ટ્રેનમાં ચઢવા જતી એક મહિલાનું સંતુલન ખોરવાતાં તેનો પગ લપસી ગયો હતો. મહિલા દરવાજાનો એંગલ પકડી ન શકતા સીધી પ્લેટફોર્મ અને ટ્રેનની વચ્ચે ફસાઇ ગઈ હતી. આ દરમિયાન આરપીએફના એક જવાને મહિલાને તાત્કાલિક બહાર ખેંચી લઈને તેણીનો જીવ બચાવી લીધો હતો. જો બે મિનિટ મોડું થયું હોત તો કદાચ આ મહિલાનું બચવું મુશ્કેલ બની ગયું હોત એવું રેલવે વિભાગનું કહેવું હતું.
પ્લેટફોર્મ નંબર બે પર ઊભેલી મેમુ ટ્રેન શરૂ થઇ ત્યારે બે મહિલા મુસાફરો ટ્રેન પકડવા માટે રીતસરની દોડી રહી હતી, જેમાંથી એક મહિલા પેસેન્જરે ટ્રેનના દરવાજાનો એંગલ પકડવાની કોશિશ કરતાં તે પકડી શકી ન હતી અને બેલેન્સ ખોરવાઈ જતાં તે ટ્રેન-પ્લેટફોર્મની વચ્ચેના ગેપમાં પડી ગઈ હતી. પરંતુ ત્યાં હાજર આરપીએફ જવાન અરવિંદ કુમારે આ દૃશ્ય જોતાં તે દોડી ગયો હતો અને મહિલાને સુરક્ષિત રીતે બહાર કાઢી લીધી હતી. આ દરમિયાન એક સમયે સ્ટેશન પર ભારે બૂમાબૂમ થઈ ગઈ હતી.
અમદાવાદ રિવરફ્ન્ટ પરથી એક યુવતી અને એક પરિણીતાને નદીમાં ઝંપલાવીને જીવન ટૂંકાવતા બચાવી લેવામાં આવી છે. એક યુવતી સોશિયલ મીડિયા થકી યુવકના પ્રેમમાં પડી હતી. આ યુવતી પ્રેમીએ અનફ્રેન્ડ કરતા જ ડિપ્રેશનમાં આવી ગઈ હતી. અને પરીવારજનોને જણાવ્યા વગર જ સાબરમતી નદીમાં આત્મહત્યા કરવા ગઈ હતી. સાબરમતી નદીમાં જીવન ટૂંકાવવાનો પ્રયાસ કરનારી યુવતીને પોલીસે બચાવી લીધી છે. આ સમયે યુવતી ધ્રૂસકે ને ધ્રૂસકે રડીને તેને આત્મહત્યા કરવા જવા દેવા માટે આજીજી કરવા લાગી હતી. જો કે પોલીસે કાઉન્સેલિંગ કરીને યુવતીને સ્વજનોને સોંપી હતી.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
Published On - 1:08 pm, Thu, 20 April 23