Surat : ગુજરાતના ગામડામાં ‘ઓટો વેધર સિસ્ટમ’ કાર્યરત કરશે : મંત્રી મુકેશ પટેલ
એપીએમસી (APMC) કેરીનો રસ, જુદા જુદા જ્યુસ,પલ્પ, કેરીનું અથાણું, ટોમેટો કેચઅપ અને ટોમેટો જામ જેવી પ્રોડક્ટ્સનું ઉત્પાદન 3 વર્ષથી કરી રહી છે.
સુરતના (Surat ) મગોબ, પુણા કુંભારીયા સ્થિત (APMC) માં દક્ષિણ ગુજરાતના પ્રથમ ‘APMC અમૃત્તમ રિટેલ આઉટલેટ અને સુમુલ (Sumul ) પાર્લરનું ઉદઘાટન કૃષિ, ઉર્જા મંત્રી મુકેશ પટેલ દ્વારા કરવામાં આવ્યું હતું. રાજ્યના ખેડૂતોની પેદાશોનું પ્રોસેસિંગ, મૂલ્યવર્ધન કરી નિકાસ દ્વારા ખેડુતોને વધુ ભાવો મળી રહે તેવા આશયથી રિટેલ આઉટલેટ શરૂ કરાયો છે.
ટામેટા, કેરી જેવી પેદાશોની ખરીદી અને પ્રોસેસિંગ, મૂલ્યવર્ધન કરી કેરીનો રસ, અથાણા, ટામેટાનો પલ્પ, કેચઅપ જેવી પેદાશોનું વેચાણ અને નિકાસ થઈ શકશે. અહીં સુમુલ ડેરીની પણ પ્રોડક્ટ્સનું વેચાણ કરવામાં આવશે. મંત્રી મુકેશ પટેલે જણાવ્યું હતું કે,સુરત APMC યોગ્ય વહીવટ અને મેનેજમેન્ટના કારણે કૃષિ વ્યસ્થાપનમાં રાજ્યભરમાં અગ્રેસર રહી છે. એપીએમસીએ કોરોનાના કપરાકાળ દરમિયાન સમગ્ર સુરત જિલ્લામાં પોષણક્ષમ દરે શાકભાજીની સમયસર હોમ ડિલીવરી આપવાનું ઉમદા કાર્ય કર્યું હતું. લીલા કચરામાંથી ગેસ બનાવવાનું કાર્ય પણ સુરત APMC કરી રહી છે.
કમોસમી વરસાદના કારણે થતા પાકના નુકસાનને ઘટાડવા ગામે-ગામ ‘ઓટો વેધર સિસ્ટમ’ લગાવવામાં આવશે : મંત્રી મુકેશ પટેલ
મંત્રી મુકેશ પટેલ દ્વારા આ કાર્યક્રમમાં એક મહત્વની જાહેરાત પણ કરવામાં આવી હતી. જેમાં કમોસમી વરસાદને કારણે પાકને થતા નુકશાનને ઘટાડવા માટે રાજ્યના ગામોમાં ઓટો વેધર સિસ્ટમ લગાવવાની જાહેરાત કરવામાં આવી હતી. આ સિસ્ટમમાં વરસાદના આગમનની આગોતરી જાણ થશે. જેથી ખેડૂતો માટે ખેતી વધુ સુવિધાજનક અને સરળ બનશે.
ખેડૂતોને સુરત APMC દર વર્ષે ખેડૂતો પાસેથી 600 થી 800 ટન કેરી, અન્ય ફળો અને શાકભાજી જથ્થાબંધ ખરીદે છે. એપીએમસી તેમાંથી કેરીનો રસ, જુદા જુદા જ્યુસ,પલ્પ, કેરીનું અથાણું, ટોમેટો કેચઅપ અને ટોમેટો જામ જેવી પ્રોડક્ટ્સનું ઉત્પાદન 3 વર્ષથી કરી રહી છે. APMC દ્વારા કૃષિપાક, ફળ અને શાકભાજીની ખરીદી સાથે મૂલ્યવૃદ્ધિ થવાથી ખેડૂતોની આવકમાં વધારો થયો છે. ગુણવત્તાસભર કેરીના રસનું વેચાણ ભારત સહિત અમેરિકા, ઈંગ્લેન્ડ, કેનેડા, યુરોપિયન દેશોમાં કરી રહ્યા છે. આ પ્રસંગે જિલ્લા ભાજપ પ્રમુખ સંદીપ દેસાઈ, જિલ્લા રજિસ્ટ્રાર ધ્રુવીન પટેલ, APMCના હોદ્દેદારો, કમિટીના સભ્યો, વેપારીઓ ઉપસ્થિત રહ્યા હતા.