સુરતના કડોદરા (Kadodara ) વિસ્તારમાં સુરત ડિસ્ટ્રિક્ટ કો-ઓપરેટિવ બેંકમાં સોમવારે થયેલી લૂંટની (loot ) ઘટનામાં આરોપી સાયકલ (Cycle ) લઈને ભાગી ગયો હતો. આરોપીની સાયકલ અને તેની ટી-શર્ટ કામરેજ તાલુકાના હલધરૂ ગામમાંથી મળી આવી છે. અગાઉ ગત વર્ષે 12મી ઓક્ટોબરે બારડોલીના મોતા ગામે આવેલી સુરત ડિસ્ટ્રિક્ટ બેંકની શાખામાં લૂંટ બાદ ત્રણેય આરોપીઓ પણ આ રસ્તે ભાગ્યા હતા. આવી સ્થિતિમાં પોલીસ પણ આ મુદ્દે તપાસમાં લાગી છે.
સુરત ડિસ્ટ્રિક્ટ કો-ઓપરેટીવ બેંકની કડોદરા શાખામાં 6.83 લાખની લૂંટ બાદ પોલીસ સીસીટીવી કેમેરાની તપાસ કરી રહી છે. એક પછી એક કેમેરા ચેક કર્યા બાદ ખબર પડી કે બેંકમાંથી બહાર નીકળ્યા બાદ વ્યક્તિ ચાલીને ચામુંડા હોટલ જાય છે અને ઓટોરિક્ષામાં બેસીને હલધરૂ પાટિયા પહોંચે છે. બાદમાં, ત્યાં રાખેલી સાયકલ લઈને, હલધરુ તેની સાયકલ પર ગામ તરફ ભાગી જાય છે. પોલીસે આ દિશામાં તપાસ કરતાં સોમવારે સાંજે હલધરૂ ગામમાં શેરડીના ખેતર નજીકથી તેની સાયકલ અને ટી-શર્ટ મળી આવ્યું હતું. હજી સુધી લૂંટના આરોપીઓ અહીંથી ક્યાં ગયા તેની કોઈ કડી પોલીસને મળી નથી.
પ્રાપ્ત માહિતી અનુસાર, બારડોલી તાલુકાના મોતા ગામમાં ગત 12મી ઓક્ટોબરે સુરત ડિસ્ટ્રિક્ટ બેંકની શાખામાં એરગન જેવા હથિયાર બતાવી 10.40 લાખ રૂપિયાની લૂંટ ચલાવી ત્રણ લૂંટારુઓ હલધરૂ ગામ તરફ ભાગ્યા હતા. ત્યારપછી પોલીસને તેનો કોઈ સુરાગ મળ્યો ન હતો અને હજુ પણ આ લૂંટની ઘટના વણઉકેલાયેલો છે.
નોંધનીય છે કે પાંચ દિવસ પહેલા કડોદરા વિસ્તારમાં આવેલી સુરત ડીસ્ટ્રીકટ બેંકમાં પણ ગ્રાહકના સ્વાંગમાં આવેલા બુકાનીધારી લૂંટારૃઓએ બંદૂકની અણીએ 6.83 લાખની લૂંટ ચલાવીને ફરાર થઇ ગયા હતા. આ દિશામાં પોલીસે સીસીટીવી કેમેરાના આધારે આરોપીઓ સુધી પહોંચવા ચક્રો ગતિમાન કર્યા છે.
લૂંટના બંને આરોપીઓ એક જ ટોળકીના કારણે એક જ દિશામાં ભાગ્યા હોવાથી પોલીસે આ દિશામાં તપાસ હાથ ધરી છે. હાલ પોલીસે આરોપીએ વાપરેલ સાયકલ કબજે કરી લીધી છે. આ સાયકલ એકદમ નવી છે, તેને ક્યાંથી લેવામાં આવી હતી તેની પણ તપાસ કરવામાં આવી રહી છે.