સુરત જિલ્લા કલેક્ટર કચેરીની બહાર એક મહિલાનો હોબાળો, કચેરીમાં પ્રવેશ ન મળતા કર્યો વિરોધ

સુરતમાં જિલ્લા કલેક્ટર કચેરીની બહાર એક મહિલાએ હોબાળો મચાવ્યો હતો. કચેરીમાં પ્રવેશ ન મળતા આ મહિલા રસ્તા પર જ વિરોધ દર્શાવવા માટે બેસી ગઈ હતી. લોકડાઉનના સમયથી જ પતિ દ્વારા ગેરપ્રવૃત્તિ કરાવવામાં આવતી હોવાની મહિલાની ફરિયાદ છે. જેમા પતિએ ખોટા કામો કરાવ્યા બાદ રૂપિયા પણ પડાવી લીધા હોવાનો મહિલાએ આરોપ લગાવ્યો હતો. મહિલાએ રસ્તા વચ્ચે બેસીને ન્યાયની માગણી કરી હતી. જોકે આ દરમિયાન પોલીસ મહિલાને સમજાવીને પોલીસ સ્ટેશન લઈ ગઈ હતી.